क्यालिफोर्निया– अमेरिकाको क्यालिफोर्नियामा हिन्दू–बौद्ध मन्दिरसहितको नेपाली सामुदायिक भवन बनाइने भएको छ।
क्यालिफोनियाको उत्तरी क्षेत्रमा बसोवास गर्ने नेपालीहरुको संस्था नेपाली एसोसियसन अफ नर्दन क्यालिफोर्निया (न्यान्स)को अग्रसरतामा यस्तो भवन बन्ने भएको छ।
सामुदायिक भवन निर्माणका लागि लामो समयदेखि विभिन्न गतिविधि भए पनि यसले सार्थक रुप लिन सकेको थिएन। यसपटक दशैंको अवसर पारेर न्यान्सको जग्गामा निर्माणस्थल कार्यालय भवनको आइतबार उद्घाटन गरिएको क्यालिफोर्नियामा रहेका पत्रकार दीपक दाहालले जानकारी दिए।
न्यान्सका अध्यक्ष प्रितेश कार्कीलाई उद्धृत गर्दै दाहालले दिएको जानकारीअनुसार दशैंभर सो जमिनमा अस्थायी मन्दिर बनाएर नियमित पूजा एवं साँझ आरतीसहित दशैं मनाइने छ।
प्रारम्भिक चरणमा सो क्षेत्रमा भगवान शिवजीको प्रतीक त्रिशुल गाड्नुका साथै बरपिपलसमेत रोएिको छ। सो क्षेत्रमा नेपाली समुदायको नाममा झण्डै ७ रोपनी जग्गा छ ।
अर्किटेक्ट समेत रहेका कार्की र अर्की आर्किटेक्ट अस्मिता दाहालले तयार पारेको प्रारम्भिक ढाँचाअनुसार नेपाली मौलिक कला र सँस्कृति झल्किने भवनमा ठूलो सभा हल, किचनसहित कार्यलय र नेपाली समुदायका विभिन्न कला सँस्कृति झल्किने चित्र, मुर्तिकला समेत राखिने छ।
सामुदायिक भवन बनेपछि समुदायिक धार्मिक तथा सामाजिक कार्यक्रम गर्न सहज हुने र आगामी पुस्तामा समेत भाषा, संस्कृति र मातृभूमिप्रतिको सम्मान अझै बढ्ने विश्वास अगुवाहरुको छ।
भवन निर्माणका लागि झण्डै ३० देखि ४० लाख अमेरिकी डलर खर्च हुने अनुमान गरिएको छ। त्योमध्ये झण्डै आधा रकम यसअघिका धार्मिक कार्यक्रममा विभिन्न दाताबाट चन्दाको प्रतिबद्धता आइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788061592.webp)
-1786602170.png)
-1786513116.png)
