काठमाडौं– प्यालेस्टाइनी उग्रवादी संगठन हमासको आक्रमणमा परी इजरायलमा ज्यान गुमाएका १० जना नेपाली विद्यार्थीमध्ये पाँच जनाको शव नेपाल सरकारले प्राप्त गरेको छ।
इजरायलस्थित नेपाली राजदूतावासले विज्ञप्ति जारी गर्दै पाँच जना विद्यार्थीको शव प्राप्त गरेको जानकारी दिएको छ।
सिडट निजेभ एग्रिकल्चर सेन्टर अन्तर्गत किब्बुज अलुमिममा प्रशिक्षणरत विद्यार्थीहरूमाथि आक्रमण हुँदा १० जना नेपाली विद्यार्थी मारिएका थिए।
प्राप्त भएका शव नारायणप्रसाद न्यौपाने, लोकेन्द्रसिंह धामी, गणेशकुमार नेपाली, दिपेशराज विष्ट र आशिष चौधरीको हो।
अन्य पाँच जनाको पनि शव प्राप्त हुने क्रममा रहेको दूतावासले विज्ञप्तिमार्फत् जनाएको छ। शवलाई नेपाल फर्काउन पनि इजरायली सरकारसँग समन्वय भइरहेको जनाएको छ।
हमासको आक्रमणमा परी घाइते भएका चार जनामध्ये दुई जना अस्पतालबाट डिस्चार्ज भइसकेका छन्।
एक जना नेपाल फर्किएको र एक जना दूतावासकै हेरचाहमा छन्। दूतावासका अनुसार दुई जना उपचाररत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786379871.png)
-1764146706.png)
-1786184812.png)
