काठमाडौं– संविधान सभाका अध्यक्ष सुवासचन्द्र नेम्वाङको निधनको शोकमा नेपाली कांग्रेसले बीपी साहित्य महोत्वको कार्यक्रम स्थगित गरेको छ।
नेपाली कांग्रेसका संस्थापक तथा प्रथम जननिर्वाचित प्रधानमन्त्री ११०औं जन्मजयन्तीको अवसरमा साउन २ गतेदेखि नेपाली कांग्रेसको मुख्यालय सानेपामा ‘बीपी साहित्य महोत्सव’ सुरु भएको थियो। मंगलबार महोत्सवको अन्तिम दिन रहेकोमा नेम्वाङको निधनको शोकमा अन्तिम दिनको कार्यक्रम स्थगित गरिएको नेपाली कांग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिएका छन्।
नेम्वाङको निधनपछि साहित्य महोत्सव तयारी समितिको बैठक बसेको थियो। तयारी समितिका संयोजक एवम् कांग्रेसका सहमहामन्त्री बद्री पाण्डेको अध्यक्षतामा बसेको बैठकले संविधान सभाका अध्यक्षप्रति उच्च सम्मान प्रकट गर्दै मंगलबारका लागि निर्धारित तेस्रो र अन्तिम दिनको सम्पूर्ण कार्यक्रमहरु स्थगन गर्ने निर्णय गरेको पौडेलले जानकारी दिए।
बैठकले नेम्वाङको निधनप्रति गहिरो दुःख व्यक्त गर्दै उनीप्रति भावपूर्ण श्रद्धाञ्जली प्रकट गरेको पौडेलले बताए। साथै बैठकले नेम्वाङको परिवारजन, नेकपा एमाले पार्टी र शोकाकुल सबैमा गहिरो समवेदना व्यक्त गर्दै शोक प्रस्ताव पारित गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763206340.png)
-1763208890.png)
-ink-1735720380-1735720728.jpeg)
