गायक प्रमोद खरेल क्रिकेट प्रेमी हुन्। उनले नेपालको खेल चलिरहेको बेला गीत रेकर्डिङलाई स्थगित गरेर पनि क्रिकेट हेरेका थुप्रै घटना छन्। उनलाई क्रिकेटमा हरेक खेलको चासो हुन्छ।
आईसीसी एकदिवसीय विश्वकप छनोट प्रतियोगिताको तेस्रो खेलमा नेपालले आज (बिहीबार) वेस्ट इन्डिजसँग खेल्दैछ। जिम्बावेको राजधानीमा रहेको हरारे स्पोर्टस् क्लबको खेल मैदानमा नेपालले वेस्ट इन्डिजको सामना गर्नेछ। खेल नेपाली समयानुसार मध्याह्न १२:४५ बजे सुरु हुनेछ।
यतिबेला प्रमोद नेपालको विजयका लागि कामना गरिरहेका छन्। उनै ‘क्रिकेटप्रेमी’ प्रमोदसँग नेपाल लाइभले गरेको क्रिकेट–संवादको सम्पादित अंश:
नेपालको वर्तमान खेललाई कसरी मूल्यांकन गरिरहनुभएको छ?
पछिल्लो समय नेपालले क्रिकेटमा धेरै उपलब्ध हासिल गरिरहेको छ।
अहिलेको खेल नेपालका लागि ठूलो अवसर पनि हो। यो टिम अहिलेम्मको उत्कृष्ट टिम हो। नेपालले राम्रो पर्फमेन्स पनि गरिरहेको छ। त्यसमाथि होम सपोर्ट पनि छ नेपाललाई। नेपालले क्रिकेटमा अझै राम्रो गर्न सक्ने सम्भावना बढ्दै गएको देख्छु।
क्रिकेटमा तपाईंको यस्तो आशक्ति कहिलेदेखि हो?
कलेज समयमा क्रिकेट अत्यधिक हेर्थेँ। १४ वर्षअघि मैले क्रिकेटको गीत पनि गाएँ। त्यतिबेला नेपालमा क्रिकेटबारे मानिसहरू कमै अपडेट थिए।
अहिले क्रिकेटमा हिजो फुटबलमा म्याच हुँदाको जस्तो क्रेज छ। म चाहिँ अहिले पनि क्रिकेटमा धेरै अपडेट हुन्छु।
तपाईं आफू पनि कुनैबेला क्रिकेट खेल्नुहुन्थ्यो?
प्रोफेस्नल्ली चाहिँ खेलिएन। फुर्सदको समयमा चाहिँ खेलियो। तर खेल्न भन्दा हेर्नमा बढी अभिरुचि हो मेरो। म एउटा राम्रो फलोअर्स हो।
खेल हेर्नका लागि गीत गाउने कार्यक्रम छाड्नुभएको छ?
आज पनि मेरो रेकर्डिङ थियो। खेल परेका कारण मैले रेकर्डिङ पर सारेँ। वेस्ट इन्डिजसँग नेपालले पहिलो पटक खेल्न पाएको छ। यो त नहेरी भएन। अरुबेलामा पनि खेलको समयमा रेकर्डिङ पर्दा सारेको छु।
स्टेजमा हुँदा पनि नेपालले जितेको मुमेन्ट सेलेब्रेसन गरेको छु। गीत गाउन स्टेज पुगेको बेला खेल चलिरहँदा स्टेजबाट आफैंले लाइभ गरेको छु। खेल सकिएपछि मात्र गीत गाउन थालेको छु।
खेल हेर्नकै लागि के-केसम्म गर्नुभयो?
एउटा त रेकर्डिङ सारेको कुरा भनिहालेँ। मेरो पहिलो प्राथमिकतामा खेल नै पर्थ्यो। नेपाल टिमसँगै गएर२/३ पटक क्रिकेट हेरेको छु।
तपाईंलाई क्रिकेटमा मनपर्ने विश्वका कुन खेलाडी हुन्?
त्यो चाहिँ कुन समयको भन्ने हुन्छ। पहिला पहिला मनपर्ने कतिले सन्यास लिइसके। मलाई सचिन तेन्डुल्कर एकदमै मनपर्छ। रोहित शर्मा, विराट कोहली लगायतका अन्य थुप्रै क्रिकेटर मनपर्छ।
नेपालमा कुन खेलाडीको खेलबाट तपाईं प्रभावित हुनुहुन्छ?
अहिले नेपालका खेलाडी सबै एकसेएक छन्। विश्व विजेता वेस्ट इन्डिजसँग नेपालले पहिलोपटक खेल्दैछ।
त्यसकारण म एक दुई जना खेलाडीको मात्र नाम लिएर बाँकीहरूलाई हतोत्साहित गर्न चाहन्न। किनकि यतिको टिम नभएको भए यहाँसम्म पुग्दैन थियो। सबैको क्षमताबाट प्रभावित छु।
आज वेष्टइन्डिजसँग हुने खेललाई तपाईंले कसरी लिनुभएको छ?
यो रोचक हुनेवाला छ। दुई देशबीच जसले राम्रो गर्छ उसले जित्छ। तर नेपालले जितोस् भन्ने कामनाचाहिँ भित्रैदेखि छ।
वेष्ट इन्डिजको कुन खेलाडीबाट नेपाललाई बढी चुनौती देख्नुहुन्छ?
विशेषत: बलरबाट चुनौती छ। उनीहरूको बलिङ फास्ट र स्ट्रङ हुन्छ। फास्ट बलरबाट जोगिनुपर्ने चुनौती नेपाललाई छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![जब आशिष गायक बन्न काठमाडौं आइपुगे [भिडियाे]](https://nepallive.net/uploads/posts/500X300/ashish mahar video thumbss1696247935.JPG)
![हामी योजनाबद्ध विकासको लयमा अघि बढेका छौँ, रिजल्ट देखिन थालेको छ: कृष्णहरि मर्हजन [भिडियाे]](https://nepallive.net/uploads/posts/500X300/krishna maharjan thumbss 1695817270.jpg)
![एकै खेलमा नेपालले बनायो कीर्तिमान नै कीर्तिमान [भिडियाे]](https://nepallive.net/uploads/posts/500X300/nepal ko kritiman nai kritiman thumbss 1695809570.jpg)
![भाषण गरिरहेका नेताबारे देउवाले विश्वप्रकाशसँग सोधे- को मान्छे हुन् यिनी? [भिडियाे]](https://nepallive.net/uploads/posts/500X300/382241383_1016364039682320_170889257131060420_n1695560664.jpg)
![प्रश्न माओवादी केन्द्रलाई, जवाफ कांग्रेसको [भिडियाे]](https://nepallive.net/uploads/posts/500X300/nepallive brifing thumbs1695481420.jpg)
