काठमाडौं– सामाजिक न्याय तथा गरिबी निवारणमा क्रियाशील संस्था एक्सनएड इन्टरनेशनल नेपालले एक कार्यक्रमकाबीच आफ्नो ४० औं स्थापना दिवस र १९ औं सामाजिक लेखाजोखा कार्यक्रम सम्पन्न गरेको छ।
उक्त संस्थाले आफ्नो ४० औं वर्षको यात्राको समीक्षा र २०२२ को आर्थिक आयव्यय सार्वजनिक गरेको हो। एक्सनएड इन्टरनेशनल नेपालका कार्यकारी निर्देशक सुजिता माथेमाले कार्यक्रमका सहभागीहरुलाई स्वागत गर्दै एक्सनएड इन्टरनेशनल नेपालले काम सुरु गरेको ४० वर्षमा धेरै कुरा सिकेको बताइन्।
समय, सन्दर्भ र परिवेश अनुसार विभिन्न अवधारणा तथा दृष्टिकोणलाई केन्द्रमा राखेर काम गर्दै आएको स्मरण गराउँदै परिवर्तनशील समय र परिस्थिति अनुसार आफ्ना अवधारणा र दृष्टिकोणलाई समयानुकूल र लचिलो बनाउँदै सामाजिक न्याय र गरिबी निवारणमा प्रतिबद्ध रहेको उनको भनाइ छ।
एक्सनएड फेडेरेसनका सेक्रेटरी जर्नल आर्थर लारकले १९९७ मा युके र केन्याबाट सुरु भएको यात्राको स्मरण गर्दै अहिले ७२ देशहरुमा पुगेकोमा यो गर्वको विषय भएको बताए।
एक्सनएडले महिला र युवाहरुलाई प्राथमिकतामा राखेर समय र सन्दर्भ अनुसार लचिलो भएर काम गरेर सफल उदाहरणहरु प्रस्तुत गर्न सफल भएकोमा बधाई दिँदै आगामी दिनका लागि एक्सनएड इन्टरनेशनल नेपाललाई आगमी यात्राका लागि शुभकामना दिए।
स्वतन्त्र मूल्याङ्कनकर्ता राजेश हमालले मानिसहरुको जीवनमा महिला अधिकार, शिक्षा, जीविकोपार्जन, विपद् व्यवस्थापन तथा उत्थानशीलतामा एक्सनएड इन्टरनेशनलले गरेका उदाहरणीय कामहरु प्रस्तुत गरे। यी क्षेत्रमा काम गर्दा एक्सनएड नेपालले स्थानीय तहसँग समन्वय, आर्थिक तथा सामाजिक रुपमा पछि रहेकाहरुको संगठनसँग समन्वय, प्राविधिक तथा जिन्सी सहयोग, नागरिक तथा सम्बन्धित निकायबीच समन्वय गर्ने कार्यशैली निक्कै राम्रो रहेको केही उदाहरण प्रस्तुत गरे।
आन्दोलन, अभियान, वकालत, विभिन्न संघसंगठनको सुदृढीकरण गर्दै गरेको परिवर्तनको यसको सबल पाटो रहेको बताए। सबै क्षेत्रमा काम गर्नुभन्दा कुनै एक वा दुई क्षेत्रमा मात्रै काम गरेर नमुना रुपमा काम गरेर सरकार र अन्य सरोकारवाला संघसंगठनलाई सहयोग गर्न सुझाव दिए।
आन्तरिक परीक्षक योजना सिंह क्षेत्रीले संस्थाको २०२२ मा आयव्यय विवरण प्रस्तुत गरिन्। क्षेत्रीले ३३ करोड २२ लाख ४७ हजार आय र ३६ लाख ३५ करोड ३५ लाख ३० हजार व्यय भएको जानकारी दिइन्।
यस्तै उनले व्ययको अनुपात पनि प्रस्तुत गरिन्। जसमा ८३ प्रतिशत प्रत्यक्ष कार्यक्रम परियोजनामा, ३ प्रतिशत कोष अभिवृद्धिमा १ प्रतिशत सुशासनमा र १३ प्रतिशत प्रशासनिक खर्च भएको थियो। पटेर्वा सुगौली गाउँपालिका ४ की पुतलीदेबी चौधरीले एक्सनएड इन्टरनेशनलको सहयेगमा महिला समूहमा आबद्ध भएर आफ्नो परम्परागत ढकिया बुन्ने र बिक्री गरेर आत्मनिर्भर भएको कुरा बताउँदै त्यो आम्दानी बालकालिकाको शिक्षामा खर्च गरेकी छन्।
तेह्रथुमको लालीगुराँस गाउँपालिकाकी डम्बर कुमारी कार्कीले एक्सनएड इन्टरनेशनल र स्थानीय दलित सचेतना केन्द्रको सहयोगमा दलित र अन्य समुदायका महिलाहरु आर्थिक रुपमा सक्षम भएको, समान कामको समान ज्यालाका लागू भएपछि सहज अनुभव सुनाइन्।
एक्सनएडले गरिबीमा काम गर्दा पनि नेपालमा गरिबी बढेको भन्दै लामो समयदेखि एउटा दृष्टिकोणमा परिवर्तन गरेर काम गर्न अनुरोध गरिन्। यस्तै एक्सनएडले सामाजिक सवालाई अभियानकै रुपमा अगाडि बढाउनुपर्ने कुरामा जोड दिइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1734881645.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
