काठमाडौं– भक्तपुरका कलात्मक सम्पदा, कला, संस्कृति, जिवनशैली समेटेर फोटोग्राफर सञ्जय महर्जनले निर्माण गरेको ‘जर्नी टु भक्तपुर–द होमटाउन अफ नेप्लिज सेरामिक्स’ डकुमेन्ट्री जापानको ताकाहामा शहरको कावारा म्युजियम अफ आर्टमा प्रदर्शन गरिएको छ।
सन् २०२२ डिसेम्बर १७ देखि मार्च १९ अर्थात आइतबारसम्म प्रदर्शन गरिएको हो। ‘गो टु ट्राभल–जर्नी अफ द आर्टिष्ट’ शीर्षकको प्रदर्शनीमा फोटोग्राफर महर्जनले संकलन गरेका नेपालका विभिन्न कलात्मक इट्टा, टाइल तथा उनले खिचेका फोटो र डकुमेन्ट्री देखाइएको हो।
उक्त डकुमेन्ट्रीमा भक्तपुरमा देखिने पुराना शैलीका कलात्मक घर, घरको छानामा प्रयोग गरिएको टाइल, कलात्मक बुट्टे इट्टाहरु तथा भक्तपुरका प्रजापति समुदायले बनाउने माटोका भाडाँकुडा र अन्य सामाग्रीसम्बन्धी विशेष खोज गरी वृत्तचित्रमा उतारेका छ्न्।
छायांकन, सम्पादन र निर्देशन आफैं गरेका महर्जनले यस वृत्तचित्र अझै उपयोगी रहोस् भनि वरिष्ठ आर्किटेक्ट विजय बासुकला, इट्टा टाइल शिल्पकार तथा व्यवसायी कर्ण अवालसँग थप तथ्यसहित परम्परागत तरिकाले बनाइने विधि र यसलाई भविष्य पनि जिवन्त बनाउन के गर्नु पर्छ भन्ने विशेषज्ञहरुको धारणा देखाइएको छ।
सुन्दरी मिका नामले परिचित नेपाल–जापानबीचको सांस्कृतिक सम्बन्धलाई बिम्बकारुपमा उजागर गर्दै आइरहेकी जापानी गायिका ताकागी मिकाको निर्माणमा बनेको यस डकुमेन्ट्री प्रदर्शनी अवलोकनमा आएका दर्शकहरुले धेरै नै मनपराएको र जापानी विध्यार्थीहरुलाईसमेत उपयोगी रहेकोले मार्च १९ को विशेष कार्यक्रमपछि कावारा म्युजियममा प्रदर्शनी समापन भए पनि टोकियो, ओसाका, ओकिनावा लगायत सहरहरुमा पनि प्रदर्शनीमा राखिने बताए। साथै २०२३ मा हुने यामागाता अन्तर्रास्ट्रिय डकुमेन्ट्री फिल्म फेस्टिभलको लागिसमेत तयारीमा रहेको उनले बताए।
ज्ञानमाला सांस्कृतिक संगित प्रतिष्ठानका प्रशिक्षक तथा वाध्यबादकसमेत रहेका सञ्जय महर्जनले आफ्नो पहिलो अन्तर्राष्ट्रिय प्रदर्शनी भएकोले एकदमै उत्साहित रहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
