काठमाडौं– नेपाल चलचित्र कलाकार संघको नयाँ कार्यसमिति चयनका लागि हुने निर्वाचनमा नायिका रेजिना उप्रेतीले अध्यक्षमा उम्मेदवारी दिएकी छन्। यही चैत्र ४ गते हुने निर्वाचनमा नायिक उप्रेतीले कार्यसमितिका लागि प्यानलसहित अध्यक्षमा उम्मेदवारी दिएको हुन्।
उनले बुधबार पत्रकार सम्मेलन गर्दै आफूसहित प्यानका अन्य उम्मेदवारहरुको नाम सार्वजनिक गरेकी छन। उक्त प्यानलबाट दुई उपाध्यक्षका उम्मेदवार शिवहरि नेपाल ‘बैरागी’ र सरिता गिरी रहेका छन्।
यसैगरी महासचिवको उम्मेदवारमा पनाह अधिकारी, सचिवको उम्मेदवारमा जीवन थापा र कोषाध्यक्षको उम्मेदवारमा बिनोदकुमार भट्टराई रहेका छन्।
यस्तै रेजिनाको समूहबाट कार्यसमिति सदस्यहरुको उम्मेदवारमा रञ्जना खड्का (खुस्बु खड्का), खिन्न भण्डारी (भोला), निर्मल स्याङतान (बुद्धिमान), नितु कोइराला गौतम, दिनेश अवाल, दिलबहादु दोङ (डिबी), ईश्वर बल्लभ उप्रेती, भिमसेन बजगाईं, राजकुमार कार्की, लक्ष्मण चौलागाई (खिम्तेकाका) र राजेश गोसार्इं रहेका छन्।
कार्यक्रममा अग्रज कलाकारहरु मदनदाश श्रेष्ठ, नरेश पौड्याल, अभिनेता रमेश उप्रेती, निर्देशक नारायण पुरी, निर्देशक शोभित बस्नेत, अभिनेत्री पल्पसा डंगोल, गीता नेपाल, सम्राट सापकोटा, सिताराम पोखरेलसहित थुप्रै कलाकारहरुले रेजिनाको टिमलाई जिताउन अपिल गरे।
अढाई दशकदेखि आफू अभिनेत्रीको रुपमा नेपाली चलचित्र क्षेत्रमा क्रियाशील रहेको र संघमा दुई पटक उपाध्यक्ष भएर काम गरिसकेका कारण यसपटक अध्यक्षमा आफ्नो समूहसहित उम्मेदवारी दिएको अभिनेत्री उप्रेतीले बताइन्।
आफ्नो समूहको चुनावी घोषणपत्रसमेत उनले सार्वजनिक गर्दै संघमा निर्वाचित भएको दिनबाटै सुझाव पेटिका राखेर सोही अनुसार काम सुरु गर्ने बताइन्।
उनले विभिन्न ११ शीर्षकमा करिब ३० वटा योजनाहरु सार्वजनिक गरेकी छिन्। आफूहरुले पूरा गर्नसक्ने भएकाले यी ३० वटा योजनाहरु सार्वजनिक गरेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765273665.jpg)
-1763721444.png)
