काठमाडौं– गीत, कविता र अभिनयबाट फिल्मी दुनियाँमा छुट्टै पहिचान बनाएका पियुष मिश्र ६०औं जन्मदिन मनाइरहेका छन्। उनै पियुषको बाल्यकालमा कस्तो थियो त?
साहित्यका सौखिन पियुषलाई बाल्यकालमा फिजिक्स र केमेस्ट्री पढ्न पटक्कै मन लागेन।
१९९९ मा जब उनले एउटा नाटकमा अल्बर्ट आइन्स्टाइनको भूमिका निभाउने मौका पाए, तब उनले भौतिकशास्त्र कति महत्वपूर्ण छ भन्ने कुरा बुझे। त्यसपछि मात्र उनले भौतिकशास्त्रका नियमहरू बुझे।
'द बेटर इन्डिया' लाई दिएको एक अन्तर्वार्तामा उनले स्कुलमा साहित्य पढ्न मन पर्ने र साथसाथै स्कुलमा निकै राम्रो कबड्डी खेलाडी रहेको बताए।
पियुष मिश्राको जन्म १३ जनवरी १९६३मा ग्वालियरमा भएको थियो। उनका बुबा प्रतापकुमार शर्मा एक उच्च श्रेणीका क्लर्क थिए, तर बहिनीसँग सन्तान थिएनन्। सन्तानको अभावका कारण पियुषका पिताले उनलाई आफ्नी बहिनी तारादेवी मिश्रसँग राखिदिएका थिए। पियुषको पालनपोषण तारादेवीले नै गरिन्।
पियुषको नाम परिवारले प्रियकान्त शर्मा राखेका थिए। १० कक्षामा मात्र उनले आफ्नो नाम परिवर्तन गर्न जिल्ला अदालतमा शपथपत्र दिएका थिए। त्यसपछि अदालतले उनको इच्छाअनुसार उनको नाम प्रियकान्तबाट पियुषमा परिवर्तन गरेको थियो।
पियुषले सन् २००४ मा फिल्म 'ब्ल्याक फ्राइडे'मा 'हे ओ रुक जा रे बन्दे' बोलको गीत पाएका थिए। त्यतिबेला यो गीतको बोल देशका हरेक युवाले गाएका थिए। त्यसपछि पियुषले सन् २००९ मा फिल्म गुलालका लागि एउटा उत्कृष्ट गीत लेखे, 'ग्योंग्स अफ वासेपुर' फिल्मका लागि 'आरम्भ है प्रचन्ड'।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
