काठमाडौं– कतारमा जारी विश्वकप फुटबलअन्तर्गत सोमबार राति सर्वाधिक ५ पटकको विश्वविजेता ब्राजिलले एसियाली टोली दक्षिण कोरियाको सामाना गर्दैछ।
ब्राजिल समूह ‘जी’ विजेताको रुपमा प्रि–क्वार्टरफाइनलमा पुगेको हो। यस्तै, दक्षिण कोरिया समूह ‘एच’को उपविजेताको रुपमा अन्तिम १६ मा पुगेको हो।
हुन त दक्षिण कोरिया एसियाली महारथी हो। तर, फिफा वरीयतामा नम्बर १ स्थानमा रहेको ब्राजिल जारी विश्वकपको प्रमुख दाबेदार हो। यसर्थ, उसका लागि दक्षिण कोरिया सहज प्रतिद्धन्द्धी हो। तर, समूह चरणको अन्तिम खेलमा क्यामरुनसँग पराजित भएपछि ब्राजिलमाथि प्रश्न उठिरहेका छन्।
यता, समूह चरणको अन्तिम खेलमा बलियो मानिएको पोर्चुगललाई हराएर २ पटकको विश्वकप विजेता उरुग्वेलाई घर फर्काएपछि दक्षिण कोरियाको मनोबल बढेको छ। यसर्थ, उ आज राति ब्राजिललाई स्तब्ध बनाउने लक्ष्यमा हुनेछ।
ब्राजिल र दक्षिण कोरियाबीच हालसम्म ७ पटक भेट भएको छ। यी सबै मैत्रीपूर्ण खेल छन्। जसमा ब्राजिजले ६ पटक जितेको छ। पछिल्लो समय यी २ टोलीबीच गत जुन २ मा भेट भएको थियो। दक्षिण कोरियाकै घरेलु मैदानमा भएको खेलमा ब्राजिलले ५–१ गोलको फराकिलो अन्तरले जितेको थियो।
एकपटक भने दक्षिण कोरियाले अप्रत्यासित नतिजा ल्याएको छ। सन् १९९९ मा भएको उक्त खेलमा दक्षिण कोरियाले ब्राजिललाई हराएको थियो।
यसर्थ, आज राति विश्वकपको मैदानमा भेट हुँदा पनि दक्षिण कोरिया यही नतिजा दोहोर्याउन चाहन्छ। यसअघि घाइते भएका ब्राजिलका स्टार खेलाडी आज मैदानमा फर्कन विश्वास लिइएको छ। यसर्थ, ब्राजिलको धारिलो आक्रमण निस्तेज पार्दै जित निकाल्न दक्षिण कोरियाले रक्षात्मक खेल खेल्दै प्रत्याक्रमण गर्नुपर्ने विश्लेषकहरूको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
