काठमाडौं– अघिल्ला वर्षहरुमा जुट (सनपाट) खेतीबाट मनग्य आम्दानी गर्ने सुनसरीका अधिकांश किसानहरु यतिबेला भने उत्पादनबाट सन्तुष्ट छैनन्।
मलको अभावमा उत्पादनमा कमी आएसँगै उनीहरुमा निराशा बढ्दो छ। समयमै मल नपाएको पीडा झेलेका किसानहरु उत्पादन समेत घट्न पुग्दा थप चिन्तामा छन।
उत्पादन भएको जुटको मूल्यमा पनि गरावट आएपछि आफूहरुको रुचि समेत जुट खेतीमा घट्दै गएको किसानहरुको भनाइ छ।
भारतबाट महंगो मूल्य तिरेर मल खरिद गर्दा सो खेतीमा लागत बढ्न गएको तर, आम्दानी कम हुने गरेको उनीहरुको पीडा छ।
सुनसरीको भोक्राहाका खुशीलाल उराँव भन्छन, ‘सरकारले मल दिनै सक्दैन। दिन्छु भन्छ तर ६ महिनामा एकपल्ट दियो भने त्यो पनि सबैले पाउनै मुस्किल छ। अनि कसरी हुन्छ? मर्कामा पर्ने त जसरी पनि हामी किसान नै हौं।’
खुशीलाल जस्तै रामकृपाल मेहताको समेत सरकारप्रति चरम असन्तुष्टि छ। जुट खेती गर्दै आएका उनी कामदार महंगो मात्र नभई मलखाद नेपालमा नपाउँदाको पीडा सुनाउँछन्। नेपालमा मल पाइहाले डिलरवालाले ठूलाबडालाई बेच्ने गरेको उनको गुनासो छ।
रामकृपाल भन्छन, ‘पेसा छोड्न अन्य विकल्प छैन। भारतबाट महंगो मूल्य तिरेर पर्याप्त मल हाल्न समेत गाह्रो छ। जसको प्रभाव उत्पादनमा कमी स्वभाविक हो। तर, पनि बाध्य छौं। जसले खर्च धान्नै धौधौ छ।’
विगतका वर्षका दाँजोमा जुट खेतीमा आर्कषण कम हुँदै गएतापनि केही किसान भने जसोतसो पेसा धानिरहेका देखिन्छन। लागत मूल्य बढ्दै जाँदा आम्दानी घटेर निरास देखिएपनि किसानहरुमा सरकारले मलखादको सहजता दिलाओस् भन्ने चाहना भने ज्यूँ का त्यूँ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
