काबुल–गत वर्ष तालिबान समूहले सत्ता सम्हालेपछि अफगानिस्तानमा ३९.५९ प्रतिशत सञ्चार माध्यम र करिब ६० प्रतिशत पत्रकार कामबाट विस्थापित भएका छन्। अफगानिस्तानमा पत्रकारको अवस्थाबारे चिन्ता व्यक्त गर्दै रिपोर्टर्स विदाउट बोर्डर्स (आरएसएफ) ले यो तथ्यांक सार्वजनिक गरेको हो।
आरएसएफको प्रतिवेदनमा भनिएको छ, ‘‘रिपोर्टर्स विदाउट बोर्डसको सर्वेक्षणअनुसार १५ अगस्ट २०२१ मा तालिबानले सत्ता सम्हालेको एक वर्षमा अफगानिस्तानमा ३९.५९ प्रतिशत सञ्चारमाध्यम र अधिकांश महिला पत्रकारसहित ५९.८६ प्रतिशत पत्रकार विस्थापित बनेका छन्।'
प्रतिवेदनमा भनिएको छ, ‘तालिवान समूहले शासन सम्हालेपछि अफगानिस्तानमा आर्थिक संकट निम्तनुका साथै प्रेस स्वतन्त्रतामाथिको दमन भएको हो। टोलो न्यूजका अनुसार अफगानिस्तानमा पत्रकार र सञ्चार माध्यमको संख्याको हिसाबले पत्रकारितामा व्यापक अंकुश लगाइएको छ र सञ्चारमाध्यमलाई बन्द हुन बाध्य पारिएको छ।'
महासचिव क्रिस्टोफ डेलोइरेले भने, ‘अफगानिस्तानमा विगत एक वर्षमा पत्रकारिता धराशायी भएको छ। सञ्चारमाध्यम र पत्रकारहरूलाई कानूनहरूको अधीनमा राखिएको छ जसले मिडिया स्वतन्त्रतालाई सीमित गर्दछ र दमन र उत्पीडनको बाटो खोल्दछ।'
अधिकारीहरूले सञ्चारकर्मीहरू माथि हुने हिंसा र उत्पीडनको अन्त्य गर्न र उनीहरूलाई निर्बाध रूपमा आफ्नो काम गर्न दिन जोड दिएका छन्।
प्रतिवेदनअनुसार अफगानिस्तानमा १५ अगस्ट २०२१ भन्दा पहिले ५४७ सञ्चारमाध्यम थिए भने त्यसको एक वर्षपछि सन् २०२२ मा २१९ ले आफ्ना गतिविधि बन्द गरेका छन् ।
यस्तै, २०२१ अगष्ट १५ अघि ११ हजार ८ सय ५७ पत्रकार रहेकामा अहिले चार हजार ७५९ जना मात्र छन् । महिला पत्रकार सबैभन्दा बढी प्रभावित भएका छन्, यो समयमा ७६.१९ प्रतिशत महिला पत्रकारले रोजगारी गुमाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
