बाजुराका प्रजिअ, नेपाल प्रहरी तथा सशस्त्रका प्रमुखलाई विभागीय कारबाही गर्न गृहलाई आयोगको निर्देशन

स्थानीय निर्वाचन

नेपाल लाइभ बिहीबार, जेठ १२, २०७९ २०:१८

काठमाडौं–निर्वाचन आयोगले वैशाख ३० को मतदान कार्यमा बाजुराका प्रमुख जिल्ला अधिकारी उपेन्द्रराज पौड्याल, नेपाल प्रहरीका नायब उपरीक्षक चतर्भुज ओझा तथा सशस्त्र प्रहरी उपरीक्षक दीपक बिष्टले सुरक्षा व्यवस्थामा गम्भीर लापरबाही गरेको ठहर गरेको छ।

आयोगले बिहीबार विज्ञप्ति जारी गर्दै उनीहरुलाई ३ दिनभित्र हटाई सो पदमा अन्य जिम्मेवार कर्मचारी खटाई स्थानीय तह निर्वाचनको प्रक्रिया अघि बढाउन उपयुक्त वातावरण तयार गर्न गृह मन्त्रालयलाई निर्देशन दिने निर्णय गरेको छ।

उनीहरुलाई सेवाशर्तसम्बन्धी प्रचलित कानुनबमोजिम विभागीय कारबाही गरी तीन महिनाभित्र जानकारी गराउन पनि आयोगले गृहलाई भनेको छ।

आयोगले बाजुराको बुढीगंगा नगरपालिकामा गत वैशाख ३० गते भएको मतदान रद्द गर्ने निर्णय गर्दै यथाशीघ्र मतदान गर्ने मिति र समय तोक्न पनि निर्देशन दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रदेश सरकारहरूको ९ महिनाको खर्च ८५ अर्ब ४७ करोड

सगरमाथा संवादका लागि भारत सरकारबाट सवारीसाधन सहयोग

४२ लाख हुन्डीको रकमसहित न्युरोडबाड दुई जना पक्राउ