काठमाडौं- वैशाख ३० गते निर्वाचन सम्पन्न भएका ७५३ स्थानीय तहमध्ये ७४९ को परिणाम आएको छ। आउन बाँकी चारमध्ये तीनमा मतगणना जारी छ भने एउटा पालिकाको विवादबारे निर्वाचन आयोग नै अनिर्णित छ।
प्राप्त परिणामअनुसार कांग्रेसले ३२६ जितेको छ दुईमा अगाडि छ। एमालेले २०५ जितेको छ। माओवादी केन्द्रले १२१ जितेको छ। जसपाले ३०, एकीकृत समाजवादीले २०, लोसपाले १६, राप्रपाले चार र अन्यले २६ ठाउँमा जितेका छन्। एउटामा स्वतन्त्र उम्मेदवारको अग्रता छ।
गणना जारी काठमाडौंमा स्वतन्त्र उम्मेदवार बालेन साहले फराकिलो अग्रता कायम राखेका छन्। १ लाख ८३ हजार ६ सय ७९ मत गणना हुँदा साहले ५९ हजार ४ सय ४९ मत पाएका छन्। निकटतम प्रतिष्पर्धी सिर्जना सिंहले ३७ हजार ५ सय ४२ मत मात्रै प्राप्त गरेकी छिन्। गणना हुन बाँकी ७ हजार ४ सय ४६ छ।
गणना बाँकी मत भन्दा धेरै मतान्तर भएकका कारण मेयरमा साह र उपमेयरमा सुनिता डंगोलको जित सुनिश्चित छ।
गणना जारी रुपन्देहीको तिलोत्तमा नगरपालिकामा नेपाली कांग्रेसका रामकृष्ण खाँण १८ हजार ७ सय ९० मतसहित अग्रता लिइरहेका छन् भने एमालेका मोहन चापागाईंले १७ हजार ८ सय ३७ मतसहित पछ्याइरहेका छन्।
उपमेयरमा एमालेकी जगेश्वरीदेवि चौधरीले १७ हजार ५ सय ५६ मतसहित अग्रता कायम गरेकी छिन्। उनलाई माओवादी केन्द्रका हेमलाल पाण्डेले ८ हजार ६११ मतसहित पछ्याइरहेका छन्।
यसैगरी, उदयपुरको त्रियुगामा पनि नेपाली कांग्रेसका उम्मेदवार वसन्तकुमार बस्नेतले ३ हजार ९० मतसहित अग्रता लिइरहेका छन्। एकीकृत समाजवादीका बलदेव चौधरीले ३ हजार ११ सहित पछ्याइरहेकका छन्।
एमालेका भागवत राउत २ हजार १ सय ६ मतसहित तेस्रो नम्बरमा छन्। उपमेयरमा कांग्रेसकै सरिता राईले अग्रता लिइरहेकी छिन् भने माओवादीकी गीता खड्का कार्कीले पछ्याइरहेकी छिन्।
बाजुराको बूढीगंगा नगरपालिकाको विवादमा भने निर्वाचन आयोगले नै निर्णय दिन सकेको छैन। कांग्रेस र एमालेले एकअर्कोलाई धाँधलीको आरोप लगाएका छन्। कांग्रेसले केही मतदान केन्द्रमा पुन: मतदानको माग गरेको छ। एमालेले भने गणना गर्नुपर्ने बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766819606.png)
-1766813412.png)
-1764146706.png)
-1763721444.png)
-1766648928.png)
