काठमाडौं– स्वतन्त्र उम्मेदवार हर्कराज राई (हर्क साम्पाङ) मेयरका रूपमा चुनिएका धरान उपमहानगरपालिकाको नगर सभामा एमालेको बहुमत हुने देखिएको छ।
२० वटा वडा रहेको उपमहानगरपालिकाको नगरसभामा सम्पूर्ण वडाबाट मतदान गर्ने जनप्रतिनिधि १०२ जना छन्। तीमध्ये ५१ जनप्रतिनिधि एमालेका भएकाले नगरसभामा उसकाे बहुमत हुने देखिएको हो।
२०७४ मा मेयर र उपमेयरसहित १४ वटा वडा जित्दै एमालेले नगरसभामा झण्डै दुईतिहाई बहुमत पुर्याएको थियो। नगरसभामा १०२ जनामध्ये ७१ जना एमालेको थियो। त्यसैको आडमा कार्यपालिकामा पनि थप ८ जना एमालेकै उम्मेदवार विजयी भएर दुईतिहाई अर्थात् ३० जनामा २४ जना एमालेका कार्यपालिका सदस्य भए।
यसपटकको निर्वाचनमा एमाले आठ वटा वडामा मात्रै सीमित भएन, मेयर र उपमेयरसमेत गुमायो। नगरसभाका लागि प्रत्येक वडामा निर्वाचित वडाध्यक्ष, वडा सदस्य, खुला वडा सदस्य, महिला सदस्य र दलित सदस्य समावेश हुन्छन्।
समावेश भएका प्रतिनिधिहरूले नगरसभा गठन गर्छन्। त्यसपश्चात् मतदानमार्फत् दुई सदस्य थप हुन्छन्, जसलाई अल्पसंख्यक र दलित समुदायबाट चुनेर ल्याउनुपर्ने संविधानमा उल्लेख छ।
नगरसभाका प्रतिनिधि र उनीहरूले छानेका दुई प्रतिनिधिसहित नगरको कार्यपालिका गठन हुन्छ। धरान उपमहानगरपालिकामा एमालेका ५१ प्रतिनिधि विभिन्न वडामा निर्वाचित भएका कारण त्यहाँ एमालेको बहुमतमा नगरसभा निर्माण हुने देखिन्छ। धरानका कूल १०२ प्रतिनिधिमध्ये कांग्रेस र माओवादीका ४८ प्रतिनिधि छन् भने राप्रपा र स्वतन्त्रतर्फबाट १-२ उम्मेदवार छन्। उपमहानगरकाे मेयरमा स्वतन्त्र र उपमेयर माअाेवादी केन्द्रले जितेकाे छ ।
कार्यपालिकामा कसको होला बहुमत?
अहिले मेयर, उपमेयर र २० वटा वडाको मात्र निर्वाचन मतपरिणाम हेर्दा कार्यपालिकामा कसैको पनि बहुमत पुगेको छैन। कार्यपालिकामा मेयर, उपमेयर र वडाअध्यक्षहरू हुन्छन्।
अहिले मेयर स्वतन्त्रवाट निर्वाचित भएका छन्। एमालेबाट ८ जना अध्यक्ष निवार्चित छन्। कांग्रेसबाट ६ जना वडाध्यक्ष छन् भने माओवादीबाट उपमेयर र एक जना वडाध्यक्ष छन् । एक जना वडाध्यक्ष राप्रपा र एक जना स्वतन्त्र छन्।
अब ८ जना कार्यपालिका सदस्यहरूको निर्वाचन भएपछि भने कार्यपालिकामा पनि कसको बहुमत पुग्छ भन्ने प्रष्ट देखिन्छ। ती ८ कार्यपालिका सदस्यहरूलाई नगरसभाले निवार्चित गर्ने र नगरसभामा एमालेको बहुमत भएकोले एमालेबाटै निवार्चित हुन सक्ने सम्भावना देखिन्छ। त्यसो हुँदा ३० जनाको कार्यपालिकामा एमालेको १८ जना भएमा बहुमत पुग्छ।
कुन वडामा कुन पार्टीका कति प्रतिनिधि?
धरानका २० मध्ये ७ वडामा एमालेको प्यानल नै विजयी भएको छ।
नगर सभामा हाल एमालेका ५१ जना निवार्चित भएका छन्। कुल १०२ नगर सभा सदस्यमा यो बहुमत हो। एमालेले बहुमत जितेको वडा ४, ५, ८, १०, १२, १३, १५ र १९ बाट ४० जना नगरसभा सदस्य छन् भने वडा २ मा एक वडा अध्यक्ष र एक सदस्य गरि २ जना जितेको छ । यस्तै, वडा ६ मा अध्यक्षबाहेक ४ जना, वडा ७ मा वडाध्यक्षसहित ३ जना, वडा ११ मा अध्यक्षबाहेक ४ जना जितेको छ भने वडा १४ मा २ जना र वडा २० मा एक जना सदस्य नगरसभामा जितेको छ।
यस्तै कांग्रेसको वडा नं १, ३, ९, १६ र १८ मा प्यानलै जित्दा २५ जना नगरसभा सदस्य जितेका छन् भने वडा २ बाट सदस्यहरु २ जना, वडा नं ७ मा ३ जना, वडा ११ मा एक जना वडाध्यक्ष, वडा १४ मा कांग्रेसबाट २ सदस्य जना र वडा २० मा अध्यक्षसहित ४ जना गरि कुल ३७ जना नगरसभा सदस्य निवार्चित भएका छन्। यस्तै, माओवादी केन्द्रबाट उपमेयर र वडा १७ मा प्यानल गरि ६ जना निवार्चित छन् । कांग्रेस र माओवादी केन्द्र गठबन्धन दल भएको हुनाले दुवैको जोड्दा पनि ४३ जना पुग्छन् । वडा नं १४ मा वडाध्यक्ष राप्रपा र वडा ६ मा स्वतन्त्रबाट निवार्चित छन् । मेयर पनि स्वतन्त्रबाट निवार्चित हुन् ।
निर्वाचन कार्यालयले नगरसभाको निर्वाचन जेठ १६ गते गर्ने कार्यतालिका प्रकाशन गरेको छ। यो निर्वाचनपछि नगरकार्यपालिका गठन हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
