काठमाडौं– चितवनको भरतपुर महानगरपालिकाको मेयरमा सत्ता गठबन्धनबाट नेकपा माओवादी केन्द्रकी उम्मेदवार रेणु दाहालले १० हजार मतको अग्रता लिएकी छन्।
जारी मतगणनाको पछिल्लो अध्यावधिक परिणामअनुसार उनले ४४ हजार ७१० मत प्राप्त गरेकी छन्। उनका प्रतिस्पर्धी नेकपा एमालेका उम्मेदवार विजय सुवेदीले ३४ हजार ३९६ मत प्राप्त गरेका छन्।
दाहालले सुवेदीसँग १० हजार ३१४ मतको अग्रता लिएकी छन्। मेयर पदका स्वतन्त्र उम्मेदवार जगन्नाथ पौडेलले १३ हजार ६१३ मत प्राप्त गरेका छन्।
उपप्रमुखतर्फ गठबन्धनबाट नेपाली कांग्रेसका उम्मेदवार चित्रसेन अधिकारीले ४५ हजार ८४० मत प्राप्त गरेका छन्। एमालेसँगको तालमेलमा उम्मेदवार रहेकी राप्रपाकी हिमला गुरूङले २७ हजार १८१ मत प्राप्त गरेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
