महेन्द्रनगर– कञ्चनपुरको कृष्णपुर नगरपालिकामा नेपाली कांग्रेसका उम्मेदवार विजयी भएका छन्। नगरपालिकाको प्रमुख र उपप्रमुखमा कांग्रेस उम्मेदवार विजयी भएका हुन्।
प्रमुखमा नेपाली कांग्रेसका हेमराज ओझा १० हजार ३३४ मत ल्याएर निर्वाचित भए। उनका प्रतिस्पर्धी नेकपा माओवादी केन्द्रका जोगराज चौधरीले ८ हजार २ सय मत प्राप्त गरे।
उपप्रमुखमाम पनि नेपाली कांग्रेसकै द्रोपती राना निर्वाचित भएकी छन्। उनले ९ हजार ६७५ मत प्राप्त गरिन्। दोस्रो भएकी नेकपा एमालेकी उम्मेदवार रमिताकुमारी रानाले ७ हजार ३१६ मत प्राप्त गरिन्।
२०७४ को स्थानीय तहको निर्वाचनमा कृष्णपुर नगरपालिकाको प्रमुख र उपप्रमुख नेकपा एमालेले जितेको थियो।
९ वडा रहेको कृष्णपुरमा नेपाली कांग्रेसले ४ वडामा जित हासिल गरेको छ। नेकपा माओवादी केन्द्रले पनि ४ र नेकपा एमालेले १ वडा जितेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
