काठमाडौं- इलामको सूर्योदय नगरपालिकामा सत्ता गठबन्धनले जित हासिल गरेको छ।
गठबन्धनबाट मेयरको उम्मेदवार बनेका नेकपा एकीकृत समाजवादीका रणबहादुर राई मेयरमा निर्वाचित भए। उनले १२ हजार ४३१ मत पाउँदा निकटतम् प्रतिद्वन्द्वी एमालेका काजीमान कागतेले काजीमान कागतेले १० हजार ५७९ मत पाए।
एमालेका कागते प्रदेशसभा सदस्यबाट राजीनामा दिएर मेयरका प्रत्यासी बनेका थिए। उनी १ हजार ८५२ मतान्तरले पराजित भए। यो नगरपालिका एकीकृत समाजवादीका सम्मानित नेता झलनाथ खनालको गृहनगर हो।
त्यस्तै उपप्रमुखमा गठबन्धनबाटै कांग्रेसका दुर्गाकुमार बराल विजयी भए। उनले ११ हजार ८५४ मत पाउँदा निकटतम प्रतिद्वन्द्वी एमालेकी दुर्गादेवी भट्टराईले ९ हजार १२२ मत पाइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
