धनगढी- कैलालीको गोदावरी नगरपालिकाका नगर प्रमुख बिरेन्द्र भट्ट र उपप्रमुख शारदा रोकायाले पदभार ग्रहण गरेका छन्।
बिहीबार पद तथा गोपनियताको सपथ लिएका नगर प्रमुख भट्ट र उपप्रमुख रोकायाले शुक्रबार नगरपालिकाको पदभार ग्रहण गरेका हुन्।
नगर प्रमुखको जिम्मेवारी सम्हालेसँगै भट्टले नगरबासीले आफूलाई विश्वास गरेर निर्वाचित गरेको बताए। भट्टले भने ‘अहिले जनताले मलाई विश्वास गरेका छन्। त्यसैले सधै जनताको पक्षमा काम गर्ने छु।’
नगरको समग्र विकासका लागि विज्ञ टोलीको सल्लाह सुझाव लिएर अघि बढ्ने उनले पहिलो निर्णय गरेका छन्। ‘नगरको भौतिक पूर्वाधार विकास, शिक्षा, स्वास्थ्य, पर्यटन लगायतको विकास गर्न सबै क्षेत्रका विज्ञहरुलाई राखी छलफल गरेर अघि बढ्छौं।’
उनले नगरका सबै वडामा सडक कालोपत्रे गर्ने, मालाखेती अस्पताललाई सुविधा सम्पन्न बनाउने, गोदावरी धाम, हार्टखोली लगायत क्षेत्रमा पर्यटक बढाउने गरि योजना अघि बढाउने, नगरभित्रको भुमिहिन, सुकुम्बासी, वादी समुदायको समस्या समाधान गर्ने गरि काम गर्ने बताए।
वर्दगोरिया गाउ“पालिकाको अध्यक्षमा कर्ण कु“वरले पदभार गरेका छन्। पालिकाको अध्यक्ष पदमा निर्वाचित कुँवरले बिहीबार कैलाली जिल्ला न्यायाधीसबाट सपथ ग्रहण गरे सँगै शुक्रबार नवनिर्वाचित पालिकाका उपाध्यक्ष सहित सबैलाई सपथ ग्रहण गराए।
निर्वाचित जनप्रतिनिधीहरुलाई कार्यालयमा कर्मचारीहरूले स्वागत गरेका छन् भने जनप्रतिनिधीहरुले शुक्रवार नै निर्माणाधीन प्रशासनिक भवनको अनुगमन समेत गरे । अध्यक्ष कु“वरले भने –‘बर्दगोरियालाई देशकै नमुना पालिकाको रूपमा विकास गर्ने र त्यसका लागी निवर्तमान जनप्रतिनिधि, आफ्ना प्रतिद्वन्द्वी सहित आम सरोकारवालाहरूस“ग छलफल र समन्वय गरी अघि बढ्ने छौं।’
चुरे गाउँपालिकाका अध्यक्ष चक्रबहादुर बोगटीले पनि शुक्रबार पदभार ग्रहण गरेका छन्। गाउँपालिकाको कार्यपालिकाले पूर्णता नपाएका कारण आफुहरुले अहिले कुनै निर्णय नगरेको उनले प्रतिक्रिया दिए। उनले आफ्नो प्राथमिकतामा गाउँपालिका जाने सडक कालोपत्रे गर्ने, हरेक वडामा सडक सञ्जाल, झोलुङ्गे पुल लगायतको व्यवस्था गर्ने आफनो प्राथमिकताको काम रहेको बताए । पहिरो र कटानको जोखिम क्षेत्रमा रहेका वस्तीको पनि व्यवस्थापन गर्ने गरि योजनावद्ध ढंगले अघि बढ्ने उनले बताए।
कैलारी गाउँपालिकाको अध्यक्ष राजसमझ चौधरीले पनि अध्यक्षको कार्यभार सम्हालेका छन्। नेपाली का“ग्रेसबाट निर्वाचित चौधरीले कार्यभार सम्हालेसंगै मतदान गरेका सम्पूर्ण गाउ“पालिका वासीलाई धन्यवाद व्यक्त गरे।
उनले वडा नम्बर ७ विपतपुरका आगालागि पीडितको व्यवस्थापन आफनो प्राथमिकताको काम रहेको बताए। उनले गाउँपालिकाको डुवान तथा कटान समस्याका लागि पहल गर्ने, वर्षाका कारण हिलाम्मे हुने सडक मर्मत गर्ने, गाउँपालिकामा एम्बुलेन्सको व्यवस्था गर्ने, स्वास्थ्य संस्थाहरुलाई स्तरोन्नति गर्ने लगायतका समग्र गाउँपालिकाको विकासका लागि योजनावद्ध ढंगले अघि बढ्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
