काठमाडौं– युरोप भ्रमणका लागि नेपालले प्रारम्भिक टिम घोषणा गरेको छ।
आइसिसी प्रतिनिधि अनिमुल इस्लाम, क्रिकेट टिमका मुख्य प्रशिक्षक जगत टमाटा र कप्तान परास खड्काको छनोट समितिले २० सदस्यीय प्रारम्भिक टिम घोषणा गरेको हो।
टिममा विकेटकिपर ब्याट्सम्यान सुवास खकुरेल र प्रदीप ऐरीले पुनरागमन गरेका छन्। खकुरेलले तीन वर्षपछि राष्ट्रिय टिममा फर्किएका हुन्। यता हरि क्षेत्री चौहान पहिलो पटक राष्ट्रिय टिमको क्याम्पमा परेका छन्। नेपाली टिमको क्याम्प शनिबारदेखि सुरु हुनेछ।
चौहानले प्रधानमन्त्री कप एकदिवशीय राष्ट्रिय क्रिकेट प्रतियोगितामा उत्कृष्ट खेलेका थिए। उनले प्रदेश ४ का अलराउन्ड प्रदर्शन गरेका थिए। उनले प्रदेश १ विरुद्धको खेलमा ब्याटिङतर्फ शतक र बलिङतर्फ ह्याट्रिक लिएसहित ४ विकेट लिँदै सानदार प्रदर्शन गरेपछि चर्चामा आएका थिए।
नेपालले आगामी साउन १३ गते इंल्याण्डको लर्डस् क्रिकेट मैदानमा त्रिकोणात्मक टी-२० सिरिज खेल्नेछ। मेरिलबोन क्रिकेट क्लब (एमसीसी), नेपाल र नेदरल्याण्ड्सबीचमा टी-२० सिरिज हुन लागेको हो। तीन टिमले एक अर्कासँग प्रतिस्पर्धा गर्नछन्। शीर्ष दुई टोलीले उपाधिकात त्यहि लागि प्रतिस्पर्धा गर्नेछन्। पहिलो खेल बिहान र फाइनल खेल साँझ हुनेछ।
३ दिनपछि नेपालले एकदिवसीय खेलमा डेब्यू गर्नेछ। नेदरल्यान्ड्सविरुद्ध २ खेलको सिरिज खेल्दै नेपालले एकदिवसीय खेलमा डेब्यू गर्नेछ। खेल आगामी साउन १६ र १८ मा नेदरल्यान्ड्समा हुनेछ।
नेपालले गत चैत १ मा एकदिवसीय मान्यता पाएको थियो।
नेपालले सन् २०१६ पछि नेदरल्यान्ड्स भ्रमण गर्न लागेको हो। डब्लुसिएल च्याम्पियनसिपअन्तर्गत भएको २ खेलमा दुवै टिमले समान १–१ खेलमा जित हात पारेका थिए।
प्रारम्भिक टिम
अनिलकुमार साह, बसन्त रेग्मी, विनोद भण्डारी, दीपेन्द्रसिंह ऐरी, ज्ञानेन्द्र मल्ल, हरि क्षेत्री, करण केसी, ललित भण्डारी, ललित राजवंशी, आरिफ शेख, पारस खड्का, प्रदीप ऐरी, रोहितकुमार पौडेल, सन्दीप लामिछाने, शक्तिप्रसाद गौचन, शरद भेषवाकर, सोमपाल कामी, सुवास खकुरेल, सुनील धमला र सुसन भारी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
