काठमाडौं– गायक दुर्गेश थापा बेला बेला विवादमाआइरहन्छन्। आफ्नो गीतमा प्रयोग भएको शब्ददेखि अन्तर्वार्तामा उनले दिने अभिव्यक्तिलाई लिएर उनी विवादमा आइरहन्छन्।
यहि विवादको विषयलाई लिएर उनलाई प्रहरीले समेत पक्राउ गरेको छ। केही समयअघि उनले सार्वजनिक गरेको तिहार विशेष गीत ‘डन आयो डन’लाई लिएर उनलाई प्रहरीले पक्राउ गरेको थियो। उनको गीतमा प्रयोग भएका शब्दहरुको विषयलाई लिएर उजुरी परेपछि उनलाई पक्राउ गरिएको थियो।
प्रहरीको केरकार र सोधपुछपछि दुर्गेशले उक्त गीत युट्युबबाट हटाएका थिए। पछि गीतमा प्रयोग भएका आपत्तिजनकशब्द हटाएर उनले गीत फेरि रिलिज गरेका थिए।
प्रहरीको केरकारपछि दुर्गेश सुध्रिए भन्ने धेरैलाई परेको थियो। त्यसपछिका गीतमा उनले पुराना गीतमा जस्तो आपत्तिजनकशब्द प्रयोग पनि कम गरेका थिए। तर, गत वर्ष एक अन्तर्वार्तामा उनले नारायण गोपालको भन्दै भक्तराज आचार्यको गीत गाएपछि फेरि विवादमा आएका थिए।
गीत र अन्तर्वार्ताका कारण पटक पटक विवादमा आएका दुर्गेशले फेरि आफ्नो पुरानो बानीलाई अपनाएका छन्। शुक्रबार युट्युबमार्फत सार्वजनिक भएको उनको नयाँ गीत ‘पैसा’ यसको उदाहरण हो। यहि वर्ष तीजमा उनले निकालेको गीत ‘ख्यास्स पुतली’सँगै उनी फेरि पुरानै शैलीमा फर्किएको देखिन्छ। जसको उपज उनले नयाँ निकालेको गीत ‘पैसा’मा प्रयोग भएका शब्दहरु छन्।
पैसामा दुर्गेशले द्विअर्थी र आपत्तिजनकशब्दहरुको भरपुर प्रयोग गरेका छन्। सार्वजनिक भएको २४ घण्टा नपुग्दै युट्युबको ट्रेण्डिङमा अत्याधिक अटो ट्युनको पनि प्रयोग छ, जुन विषयलाई लिएर दुर्गेश यसअघि पनि चर्चामा आएका थिए। तर, त्यो भन्दा महत्वपूर्ण जेलमा पुर्याउने उनको बानीलाई लिएर उनी फेरि आएका देखिन्छन्। गीतमा प्रहरी र आफू जेल गएको विषयमाथि पनि उनले आपत्तिजनकरुपमा अभिव्यक्ति दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791196217.png)
-1786602170.png)
-1791090469.jpeg)
