समूह एच
जापान भर्सेस पोल्यान्ड
सेनेगल भर्सेस कोलम्बिया
समय– असार १४ गते, राति ७:४५ बजे
काठमाडौं– २०१८ फिफा विश्वकप फुटबल प्रतियोगिताअन्तर्गत आज साँझ समूह 'एच' को अन्तिम खेलहरु हुँदैछन्। अन्तिम १६ मा पुग्ने अन्य समूहका टिमको टुंगो लागिसकेको अवस्थामा यो समूहबाट नकआउट अन्तिम २ टिमको टुंगो लाग्नेछ।
समूहबाट पोल्यान्ड बाहिरिसकेको छ। अब अन्तिम १६ को दौडमा जापान, सेनेगल र कोलम्बिया छन्। १–१ खेलमा जित र बराबरी खेलेका जापान र सेनेगलले समान ४–४ अंक जोडेका छन्। १ खेलमा जित र १ खेलमा हार बेहोरेको कोलम्बियाको ३ अंक छ।
अन्तिम १६ मा पुग्न कसलाई के चाहिन्छ?
• समूहको शीर्ष स्थानमा रहेको जापानलाई अन्तिम १६ मा पुग्न बराबरी काफी छ। जितले जापान समूह विजेता हुने सम्भावना हुनेछ। हारले जापान बाहिरिन सक्छ। कोलम्बिया र सेनेगलले बराबरी खेलेमा भने जापान हारे पनि अन्तिम १६ मा पुग्ने झिनो आशा बाँकी रहनेछ।
• सेनेगललाई पनि नकआउट चरणमा पुग्न बराबरी पर्याप्त हुनेछ। जित हात पारे सेनेगल समूह विजेता बन्न सक्छ। हारेको अवस्थामा पनि सेनेगल अन्तिम १६ मा पुग्ने सम्भावना हुनेछ। यसका लागि जापान पनि पराजित हुनु पर्नेछ।
• कोलम्बियाका लागि अन्तिम १६ मा पुग्न जित आवश्यक छ। जापानले खेल हारेको अवस्थामा बराबरी खेल्दा पनि कोलम्बियाको सम्भावना हुनेछ।
जापान भर्सेस पोल्यान्ड
कम्तिमा बराबरी खेल्दै जापान अन्तिम १६ मा पुग्ने लक्ष्यमा छ। विश्वकपमा तेस्रो पटक दोस्रो चरणमा पुग्नुअघि जापान टिम प्रतिवद्ध देखिएको छ। जापानका कप्तान माकोटोले हासिवेले जितका लागि खेल्ने बताएका छन्। '२ खेलमा ४ अंक जोड्नु राम्रो हो। तर यद्यपी यो बाहेक हाम्रो अन्य उपलब्धि छैन, ' उनले पोल्यान्डसँग खेल्नुअघि भने, 'अब हामीले मैदानमा जितका लागि खेल्नु पर्छ। यदि हामीले जितेनौ भने बराबरीमा पनि अघि बढ्न काफी हुनेछ।'
पोल्यान्ड प्रतियोगिताबाट बाहिरिसकेको छ। तर प्रशिक्षक एडम नावल्का शून्य अंकमा रहेर प्रतियोगिताको अन्त्य गर्न चहादैनन्। त्यसैले अंक जोड्न पोलिस टिमले सम्पूर्ण शक्ति लगाउनेछ। युरोपियन टिम पोल्यान्डसँग खेल्न जापानलाई गाह्रो हुने पक्का छ। अर्कोतर्फ प्रतिभाशाली फरवार्ड रोवर्ट लेवान्डोवस्कीलाई रोक्न सहज छैन। लेवान्डोवस्की युरोपियन छनोटमा सर्वाधिक गोलकर्ता हुन्। त्यसलै उनी रसिया पनि पहिलो गर्न गर्न पक्कै प्रयासमा हुनेछन्।
जापानले सेनेगल विरुद्धकै टिम पोल्यान्ड विरुद्ध उतार्ने सम्भावना छ। केइसुके होन्डा पोल्यान्ड विरुद्ध पनि सब्सिच्युट खेलाडीको रुपमा मैदान आउनेछन्। जापन विरुद्ध जित निकाल्न नसके पोल्यान्डका लागि विश्वकपमा सवैभन्दा खराब नजिता हुनेछ। त्यसैले खराब इतिहास नबनाउन पोल्यान्डले लुकास फाबियानस्कीलाई खेलाउन सक्छ।
सेनेगल भर्सेस कोलम्बिया
सेनेगल र कोलम्बिया निर्णायक भिडन्तमा प्रतिस्पर्धा गर्दैछन्। अन्तिम १६ मा पुग्न सेनेगललाई बराबरी चाहिएको छ भने कोलम्बियालाई जितको खाँचो छ। त्यसलै दुवै टिमले खेलको महत्व बुझेका छन्। दुवै टिम खेल गुमाउन चाहादैनन्। त्यसैले यो खेल समूह कै रोमाञ्चक हुन सक्छ।
पोल्यान्ड विरुद्ध ३–० को जित निकालेको कोलम्बिया लयमा फर्किएको छ। कोलम्बिया पहिलो खेलमा जापानसँग सुरुवातमै १० खेलाडीमा सीमित हुँदा २–१ ले पराजित भएको थियो।
सेनेगलका लागि खेल मिनिफाइनल सरह हुनेछ। जापानसँग डिफेन्समा कमजोर देखिएको सेनेगलका लागि कोम्लबियाका राडामेल फाल्काओ खतरा हुन सक्छन्। सेनेगलले १ अंकका लागि मात्र खेल्दा कोलम्बियाका लागि दबाव बढ्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751886908.jpg)
-1751885868.jpg)
-1751793737.png)
-1749826086.png)
