काठमाडौं– कोरोना महामारीका कारण स्थगित भएको ‘मिस वर्ल्ड २०२१’को आगामी वर्ष हुने भएको छ। आयोजकले आगामी वर्षको मार्च महिनामा फिनालेको घोषणा गरेका छन्। अब २०२२ मार्च १६ गते मिस वर्ल्डको फिनाले हुनेछ।
यसअघि डिसेम्बर १६ मा हुने फिनाले हुने तय भएको थियो।
१६ डिसेम्बरमा राखिएको फिनाले कार्यक्रममा सहभागी प्रतियोगिहरुमा कोरोना संक्रमण देखिएपछि स्थगित गरिएको थियो। प्युत्रो रिकोमा राखिएको कार्यक्रम मिस इण्डिया मानशा बरानशीसँगै अन्य प्रतियोगीमा कोरोना संक्रमण पुष्टि भएपछि सुरक्षाका लागि स्थगित भएको थियो।
फिनालेको नयाँ मिति सार्वजनिक गर्दै कार्यक्रम आयोजकले पुरानै स्थानमा कार्यक्रम हुने बताएका छन्। मिस वर्ल्डकी अध्यक्ष जुलिया मोर्लेले भनेकी छिन्, ‘नयाँ मिस वर्ल्डको ताजको लागि हामी प्युत्रो रिकोमा बस्न पाएकोमा एकदमै उत्साहित छौं।’
मिस वर्ल्ड २०२१ मा नेपालबाट नम्रता श्रेष्ठल भाग लिएकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789812005.jpeg)
-1786602170.png)
