जब कृति सेननले अमिताभ बच्चनलाई प्रेम प्रस्ताव राखिन्

गसिप

नेपाल लाइभ शनिबार, कात्तिक ६, २०७८ १३:३४

काठमाडौं– अमिताभ बच्चनले सञ्चालन गरिरहेको भारतीय टेलिभिजन कार्यक्रम ‘कौन बनेगा करोडपति’मा आगामी हप्ता बलिउड अभिनेता राजकुमार राव र अभिनेत्री कृति सेनन विशेष पाहुनाको रुपमा उपस्थित हुँदै छन्। उनीहरु आफ्नो नयाँ फिल्म ‘हम दो हमारे दो’को विज्ञापनका लागि कार्यक्रममा आएका हुन्। २९ अक्टोबरमा प्रदर्शन हुने उक्त फिल्मको प्रमोसनका लागि उनीहरुलाई बच्चनको कार्यक्रममा अतिथिको रुपमा निम्त्याइएको छ।

उक्त कार्यक्रममा कृतिले अमिताब बच्चनलाई प्रेम प्रस्ताव राखेकी छिन्। कृतिले भुइँमा घुँडाले टेकेर झुक्दै अमिताबलाई प्रेम प्रस्ताब राखेकी हुन्। प्रेम प्रस्तावपछि बच्चन र कृतिले सँगै नृत्य पनि गरेका छन्।

आगामी हप्ता प्रसारण हुने कार्यक्रमको प्रोमोमा कृतिले बच्चनलाई प्रेम प्रस्ताव राखेको देख्न सकिन्छ। कार्यक्रम प्रसारण हुने टेलिभिजन च्यानल ‘सोनी’ले आफ्नो सामाजिक सञ्जालमा उक्त प्रोमो सेयर गर्दै लेखेको छ, ‘कृति सेनन, एबी सर (अमिताभ बच्चन)सँग आफ्नो प्रेमको प्रस्ताव राख्नेछिन् र माहोल बनाउने छिन्।’

राव र सेनन मुख्य भूमिकामा रहेको फिल्म ‘हम दो हमारे दो’ २९ अक्टोबरमा ओटीटी माध्यम ‘डिज्नी प्लस हटस्टार’बाट प्रसारण हुँदै छ। अभिषेक जैनले निर्देशक गरेको फिल्ममा सेनन र रावबाहेक परेश रावल, रत्ना पाठक शाह, अपारशक्ती खुरानालगायतको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारतमा बालविवाहका घटनामा पाँच हजार भन्दा बढी पक्राउ

यी हुन् शुक्रबारको मन्त्रिपरिषद् बैठकले गरेका निर्णयहरु [सूचीसहित]

सेयर बजारमा १३ अंकको गिरावट, कारोबार साढे ४ अर्बमा सीमित