काठमाडौं- बलिउड अभिनेत्री कटरीना कैफ बेलाबेलामा प्रेम जीवनका कारण चर्चामा आउने गरेकी छिन्। उनी विक्की कौशलसँग प्रेममा रहेको र केही समय अघि इन्गेजमेन्ट भएको समाचारहरु बलिउडमा चर्चामा रहेको थियो तर आधिकारिक रुपमा दुबै जनाले यसबारेमा स्पष्ट पारेनन्।
इन्गेजमेन्टबारे नै पुष्टि हुन नसकिरहेको बेला अब उनीहरुबीच खटपट भएको समाचार बाहिरिएको छ।
बलिउड लाइफ नामक अनलाइनका अनुसार कटरीना फिल्म सुटिङको लागि विदेश जानु अघि उनीहरुबीच खटपट भएको हो। फिल्म ‘टाइगर ३’को सुटिङका लागि विदेश उड्नुअघि दुवै पक्षबीच खटपट भएको समाचारमा जनाइएको हो।
इन्गेजमेन्टबारे गलत खबर बाहिर आएको भन्दै उनीहरुबीच खटपट सुरु भएको बताइएको छ। अहिले उनीहरुसँग धेरैवटा फिल्म भएकाले त्यसबारे समाचारहरु आउनुपर्नेमा गलत समाचारहरु बाहिर आएको विषयमा दुबैमा विवाद भएको उनीहरु निकटस्रोतको हवाला दिँदै समाचारमा जनाइएको छ।
कटरीना गत साता सलमान खानसँग फिल्म ‘टाइगर ३’को सुटिङका लागि रुस गएकी थिइन्। यशराज ब्यानरमा बन्ने यो फिल्म अलग अलग देशमा छायांकन हुनेछ। उक्त फिल्ममा सलमानको लुक्स केही दिनपहिला लिक भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
