काठमाडौं– निर्वाचन आयोगले राष्ट्रिय जनता पार्टी (राजपा)लाई असार ३० सम्म महाधिवेशन गरिसक्न पत्र पठाएको छ।
आयोगले राजपाको विधानको धारा २२ (१०) मा उल्लिखित एक वर्षभित्र महाधिवेशन गरिनेछ भन्ने प्रावधानलाई उद्धृत गर्दै महाधिवेशन गर्न निर्देशन दिएको हो।
२०७४ असार ३० को निर्णयले पार्टी एकीकरण भएको र सो मितिको एक वर्षभित्र महाधिवेशन गरी आयोगलाई जानकारी गराउन आयोगले निर्देशनात्मक आदेश दिएको हो।
अघिल्लो वर्ष विभिन्न ६ पार्टी मिलेर राजपा गठन भएको थियो।
आयोगको पत्रबारे पार्टीको बैठक बसेर आवश्यक निर्णय गरिने राजपाका नेताहरुले प्रतिक्रिया दिएका छन्।
पार्टीभित्र राजेन्द्र महतो र शरतसिंह भण्डारीले यसअघि नै निरन्तर महाधिवेशनमा जानको लागि दबाब दिँदै आएका थिए। 'उहाँहरुको प्रस्तावलाई वेवास्ता गर्दा आज पार्टी अप्ठ्यारो अवस्थामा पुग्यो', राजपाका एक नेताले भने, 'वर्ष दिनसम्म गर्न नसकिएको महाधिवेशन अब एक महिनामै कसरी गर्न सकिएला?'
'महाधिवेशनमा जानुपर्ने नेताहरुको कुरालाई पार्टीभित्र अनेक आरोप लगाइयो', ती नेताले भने, 'अहिले पार्टी अप्ठ्यारोमा पर्यो।'
संविधानमा भने राजनीतिक दलको विधानमा कम्तीमा पाँच वर्षमा एकपटक संघीय र प्रदेश तहका प्रत्येक तहका पदाधिकारीको निर्वाचन हुने व्यवस्था हुनुपर्ने व्यवस्था छ। तर, विशेष परिस्थितिमा ६ महिना समायावधि थप गर्न सकिने व्यवस्था पनि छ। तर, एक वर्षमा महाधिवेशन गर्छौं भनेर भनेको दलले समयमै नगर्दा के गर्ने भन्ने विषयमा आफूले अहिल्यै केही भन्न नसक्ने आयोगका सहप्रवक्ता मुकुन्द शर्माले बताए।
निर्वाचन आयोगको पत्रले राजपामा महाधिबेशन गर्नका लागि तनाव सुरु भएको एक नेता बताउँछन्।
निर्वाचन आयोगको पत्र:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748358591.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
