काठमाडौं– एउटा टेलिभिजनलाई दिएको अन्तर्वार्ताका कारण नायिका नम्रता सापकोटा अहिले सामाजिक सञ्जालमा 'ट्रोल' बनिरहेकी छन्। अन्तर्वार्तामा सापकोटाले आफूलाई बिहे गर्न रहर नभए पनि बच्चा पाउन भने रहर जागेको बताएकी छन्।
'बिहे कहिले गर्ने?' भन्ने प्रश्नमा उनले आफू बिहे भन्दा बच्चामा लालायित भएको जवाफ दिएकी छन्। तीन वर्षभित्र बिहे नगरे बच्चा भने जन्माउने पनि उनले बताएकी छन्। उनको यही जवाफ अहिले सामाजिक सञ्जालहरुमा ट्रोल बनिरहेको छ।
केही सामाजिक सञ्जाल प्रयोगकर्ताले उनको कुरामा विरोध जनाइरहेका छन्। केहीले भने उनको कुरालाई ट्रोल बनाएर मनोरञ्जन लिइरहेका छन्।
रोशन कोइराला नामका सामाजिक सञ्जाल प्रयोगकर्ताले लेखेका छन्, 'के समाजमा विकृति फैलाउने क्रियाकलाप गर्छु भन्नु तपाईंको महानता हो ? यस्तो भनाइले समाजमा कस्तो छाप छोड्ला?'
रोशनको जस्तै प्रतिक्रिया दिने अरु पनि छन्। तर, नम्रताका केही शुभचिन्तकले भने उनको बहादुरीको प्रशंसा गरिरहेका छन्। 'सिंगल मदर' बन्ने सोच राख्नु नै महान भएको भन्दै उनको प्रशंसा गर्नेहरु पनि छन्।
त्यसो त, नम्रता विवादमा आइरहने कलाकार हुन्। पहिलो चरणको कोभिड लहरमा उनले फिल्म क्षेत्रमा नेपोटिजम् (परिवारवाद, नातावाद) हावी भएको भन्दै 'तहल्का' मच्चाएकी थिइन्।
केही समयअघि मात्रै पाकिस्तानी अभियन्ता युसुफ मलालाले पनि बिहेबारे प्रतिक्रिया दिँदा पाकिस्तानी समाज दुई ध्रुवमा बाँडिएको थियो। मलालाले 'प्रेम छ भने बिहे गर्नैपर्छ भन्ने हुँदैन' भन्ने प्रतिक्रिया दिएकी थिइन्। मलालाको उक्त प्रतिक्रियाको विरोध गर्नेले उनकोको पुत्ला समेत जलाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
