काठमाडौं- नेपाल टेलिकमले मोबाइल सेवाका ग्राहकहरूका लागि विभिन्न आकर्षक डाटा सुविधा उपलब्ध गराइरहेको छ।
काठमाडौं उपत्यकालगायत देशका विभिन्न भागमा लागू गरिएको निषेधाज्ञाको समयमा टेलिकमले थप सुविधा उपलब्ध गराएको छ।
टेलिकमले प्रयोगका आधारमा लामो र छोटो दुवै समयमा उपयोग गर्न सकिने र निकै उपयोगी हुने अपेक्षा गरिएका यी सुविधाहरू निम्नानुसार छन्ः
१. वन जीबी पर डे विथ बोनस भ्वाइस प्याक - २८ दिनसम्म प्रत्येक दिन एक जीबी डाटा चलाउन र प्रतिदिन १४ मिनेट कुराकानी गर्न सकिने यो प्याक ६४९ रूपैयाँमा उपलब्ध छ। सेवाग्राहीले आवश्यकताबमोजिम डाटा चलाउन र कुराकानीसमेत गर्न सक्ने भएकाले यो प्याक निकै लोकप्रिय रहेको कम्पनीको भनाइ छ। यो अफर लिनका लागि आफ्नो मोबाइलबाट *1415*1*8*2# डायल गर्न सकिन्छ।
२. सात दिनका लागि १.५ जीबी प्याक - सात दिनसम्म १.५ जीबी डाटा प्रयोग गर्न मिल्नेगरी यो प्याकको व्यवस्था गरिएको छ। नेपाल टेलिकमले स्प्रिङ अफरअन्तर्गत अल टाइम डाटा प्याकको रूपमा यो प्याक जम्मा ९५ रूपैयाँमा उपलब्ध गराइरहेको छ। यो प्याक लिनका लागि आफ्नो मोबाइलबाट *1415*1*1*4# डायल गर्न सकिन्छ।
३. दुई घण्टासम्म चल्ने अनलिमिटेड डाटा प्याक - दुई घण्टासम्म असीमित डाटा चलाउन यो प्याक प्रयोग गर्न सकिन्छ। ३० रूपैयाँमा उपलब्ध हुने यो डाटा प्याक लिनका लागि आफ्नो मोबाइलबाट *1415*8*2# डायल गर्न सकिन्छ।
४. ५०० एमबी पर डे डाटा प्याक - जम्मा २९९ रूपैयाँमा २८ दिनसम्म प्रत्येक दिन ५०० एमबी डाटा प्रयोग गर्न मिल्नेगरी यो प्याक उपलब्ध गराइएको छ। यो प्याक लिनका लागि आफ्नो मोबाइलबाट *1415*1*9*3# डायल गर्न सकिन्छ।
मोबाइलमा प्राप्त हुने डाटा प्याकमार्फत हटस्पट बनाएर अन्य मोबाइल वा ल्यापटपमासमेत डाटा चलाउन सकिने टेलिकमले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
