नयाँ दिल्ली- कपिल शर्माको कमेडी सो द कपिल शर्मा सो भारत, पाकिस्तानमा मात्रै होइन नेपालमा पनि निकै चर्चित छ। उक्त सो हेर्ने नेपाली दर्शकको संख्या अधिक मात्रामा भएपनि यो बन्द हुन लागेको छ।
लकडाउनको समयमा केही समय बन्द भएपनि फेरि सुचारु भएको सो बन्द हुने भएको हो। कार्यक्रमका निर्माण समूहले औपचारिक रूपमा यसको घोषणा नगरेपनि चलिरहेको सिजन बन्द हुने पक्का भएको भारतीय सञ्चार माध्यमहरुले जनाएका छन्।
त्यसो त द कपिल शर्मा सो केही समयका लागि बन्द भएपनि नयाँ सिजनसहित फेरि आउनेछ।
द कपिल शर्मा सो बन्द हुनुको कारण भने कपिल शर्माले डिजिटल युगमा डेब्यु गर्न लाग्नु हो। केही समयअघि सामाजिक सञ्जालमा सानो भिडियो पोस्ट गर्दै उनले नेटफ्लिक्समा नयाँ कार्यक्रमको घोषणा गरेका थिए। उनले भिडियोमा भनेका थिए‚ ‘हल्लाको पछि नलाग, मेरो कुरा सुन‚ म छिट्टै नेटफिल्क्समा आउँदैछु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
