पोखरा–गन्धर्व संस्कृतिका धरोहर लोककलाकार धनबहादुर गायकको निधन भएको छ। गायकको उपचारका क्रममा सोमबार बिहान मनिपाल अस्पताल पोखरामा निधन भएको हो।
पोखरा–१६ बाटुलेचौरका गायक ‘यो दाजुको मिरमिरे आँखा’ (प्रवीण गुरुङ र बिमाकुमारी दुराको स्वर), ‘बेली र चमेली’ लगायत अजर–अमर गीतका सर्जक थिए। २०२१ सालमा जन्मिएका गायक छाती र फोक्सोमा समस्या देखिएपछि मनिपाल मेडिकल कलेज शिक्षण अस्पतालमा सघन उपचार कक्षमा उपचारत थिए। गन्धर्व संस्कृतिलाई जगेर्ना गर्ने उद्देश्यका साथ उनले पछिल्लो समय सारंगी संरक्षण पाठशालासमेत चलाउँदै आएका थिए।
उनी ‘लोक संस्कार र संस्कृति बाँचे मात्र आफ्नो पहिचान बाँच्छ’ भन्नेमा विश्वास गर्थे। चर्चित गायक झलकमान गन्धर्वका भाञ्जा गायक २०६६ मा झलकमान गन्धर्व राष्ट्रिय लोकबाजा सारङ्गी संरक्षण पाठशालाको स्थापना गरेर गन्धर्व संस्कृति संरक्षणमा सक्रिय बनेका थिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791822485.png)
-1786602170.png)
