काठमाडौं–गायक प्रमोद खरेललाई एक म्युजिक कम्पनीका सञ्चालकले गालीगलौज र अपमानपूर्ण अभिव्यक्ति दिएको भन्दै संगीतकर्मीहरुले प्रहरीसमक्ष दोषीलाई कारबाही गर्न अनुरोध गरेका छन्।
खरेललाई विन्धवासिनी म्युजिक प्रालिका सञ्चालक सुवास रेग्मीले त्यस्तो व्यवहार गरेको भन्दै दोषीलाई कानुनी प्रक्रियाअनुसार कारबाही गर्न ५७ जना संगीतकर्मीहरुले हस्ताक्षरसहित टेकु प्रहरीलाई आग्रह गरेका हुन्।
आफ्ना सिर्जना नियम अनुसार फिर्ता माग्दा आफूलाई अन्यायपूर्ण व्यवहार गरिएको गायक खरेलको आरोप छ।
उनीहरुले नेपाली संगीत डिजिटल युगमा प्रवेश गरेसँगै आफैंले लगानी गरेर बजारमा ल्याएको गीत लगानीकर्ताको हुनुपर्ने माग गरिएको छ।
पत्रमा लेखिएको छ, ‘हाल श्रष्टा, प्रस्तोताहरुले आफूले विगतमा सृजना गरेका, आफैंद्वारा लगानी गरिएका तथा आफैंमा प्रतिलिपि अधिकार रहेका जति सिर्जनाहरुलाई आफैंमा फिर्ता लिने अभियान चलाएका छन्। यसमा म्युजिक कम्पनीको साथ रहेन।’
अपिलमा हस्ताक्षर गर्नेहरुमा संगीतकार लक्ष्मण शेष, गायक राजेशपायल राई, शिव परियार, सत्यराज आचर्य, स्वरुपराज आचर्य, इन्दिरा जोशी, संगीतकार तथा गायक चेतन सापकोटा, कालीप्रसाद बास्कोटालगायत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
