मुम्बई- अभिनेता अमिताभ बच्चनले संचालन गर्ने 'कौन बनेगा करोडपति'को सिजन १२ को पछिल्लो तीन सातामा तीन जना महिला करोडपति बन्न सफल भएका छन्। पछिल्लो पटक भारत छत्तीसगढकी अनुपा दासले १५ प्रश्नको सही जवाफ दिएर एक करोड़ भारतीय रुपयाँ जितेसँगै यो शोबाट लगातार महिलाले ह्याट्रिक गरेका हुन्।
अमिताभ बच्चनका साथ 'हट सिट'मा बसेकी दासको यात्रा अझसम्म पनि टुंगिएको छैन। उनी नोभेम्बर २५ मा राती ९ बजे ७ करोडका लागि १६औं प्रश्नको सामना गर्दैछिन्।
भौतिकशास्त्रमा एम एस्सी गरेकी दास हाल जगदलपुरकै आसना हायर सेकेन्डरी स्कूलमा अध्यापन गर्दै आएकी छन्।
यसअघि झारखण्ड राँचीकी नाजिया नसीम र हिमाचल प्रदेशको काँगडाकी मोहिता शर्मा गर्गले पनि १५औं प्रश्नको जवाफ मिलाएर एक करोड रुपैयाँ जितेका थिए।
लगातार तीन जना महिला केबिसीबाटै करोडपति हुने संभवत यो पहिलोपटक भएको भन्दै दैनिक भाष्करले समाचार लेखेको छ। ११ नोभेम्बरमा गुड़गाउँकी नाजिया नसीमले एक करोड़ रुपयाँ जितेकी थिइन् भने १७ नोभेम्बरमा मोहिता शर्मा गर्गले सोबाटै करोडपति बन्न सफल भएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788243684.jpg)
-1786602170.png)
-1786513116.png)
