काठमाडौं- बलिउड अभिनेत्री मनिषा कोइरालाले क्यान्सर एजुकेसन फन्ड स्थापना गरेकी छन्। क्यान्सर जितेकी अभिनेत्री कोइलालले बिहीबार एक कार्यक्रमका बीच 'मनिषा कोइराला क्यान्सर एजुकेसन फन्ड' नामक कोषको औपचारिक घोषणा गरिएको हो। ग्लोबल कलेजसँगको सहकार्यमा सुरु भएको फन्डको सर्वाधिकार मनिषा कोइरालासँगै रहने बताइएको छ।
क्यान्सरपीडित विद्यार्थीको पढाइमा सहयोग गर्नु फन्डको खडा गरिएको ग्लोबल कलेजका प्रिन्सिपल डा. करण सिंह ठगुन्नाले बताए। उनका अनुसार क्यान्सरपीडित विद्यार्थीका लागि विभिन्न शीर्षकमा फन्डबाट छात्रवृत्ति दिइनेछ। छात्रवृत्ति नगद तथा जिन्सीसमेत हुन सक्ने उनले बताए।
पीडामा रहेका मानिसहरूलाई मद्दत गर्ने कार्य सुरुवात भएकोमा आफू गौरवान्वित भएको मनिषाले बताइन्। 'परिवारमा कसैलाई क्यान्सर लाग्दा परिवारलाई निकै गाह्रो पर्छ। आफ्नो सारा सम्पत्ति उपचारमा खर्चन्छन्। त्यो समय उक्त परिवारको बालबच्चाले पढ्न पाएका हुँदैनन्। त्यो समयमा सहयोग गर्न पाउनु त गर्वको कुरा हुन्छ,' उनले भनिन्।
क्यानसर पीडित परिवारका वा आफैँ क्यान्सरपीडित भएकालाई सहयोग आत्मबल बलियो हुने मनिषाको अनुभव छ। 'पीडित व्यक्तिले आफूलाई पनि माया गर्ने व्यक्ति पाउँदा ऊ खुसी हुन्छ। जसका कारण कसैले उसलाई सहयोग गर्यो भने उसको मनोबल बढ्छ,' मनिषाले भनिन्।
मानिसको जीवनका महत्त्वपूर्ण कुराहरूमध्ये स्वास्थ्य र शिक्षा नै भएको मनिषाले उल्लेख गरिन्। स्वास्थ्य र शिक्षाकै क्षेत्रमा सहयोग गर्न लागेकोमा उनले खुसी व्यक्त गरिन्। यस अभियानलाई लामो गति दिने र पीडितको घाउमा मह्लम लगाउन सदैव तयार रहने मनिषाले विश्वास दिलाइन्।
कोष स्थापना भएसँगै कोषले विभिन्न ठाउँका पीडित छनोट गरी ग्लोबल कलेजमा भर्ना दिइने छ। भविष्यमा भने जो पीडित जहाँ पढ्न रुचि राख्छ त्यहीँ पढ्ने वातावरण बनाउन सकिने ग्लोबल कलेजका प्रिन्सिपल ठगुन्नाले बताए। 'सुरुवाती चरणमा ग्लोबल कलेज, ग्लोबल स्कुल, लिबर्टी कलेज तथा भ्याली भ्यू इङ्लिस स्कुलमा क्यान्सर पीडितले छात्रवृत्तिमा अध्ययन गर्न पाउनेछन्,' ठगुन्नाले भने।
फन्डका लागि मनिषालाई ५ लाखको चेकसमेत हस्तान्तरण गरिएको छ। उक्त रकम पनि पीडित विद्यार्थीकै लागि जम्मा गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
