विश्व

स्लोभाकियामा २ दिनमा ३६ लाखको कोरोना परीक्षण, १ प्रतिशतको नतिजा पोजेटिभ

नेपाल लाइभ मंगलबार, कात्तिक १८, २०७७ ०७:३२

एजेन्सी–विश्वका मुुलुकहरु कोरोना भाइरसको परीक्षणका लागि संघर्ष गरिरहेका बेला स्लोभाकियाले भने २ दिनमा ३६ लाख मानिसको परीक्षण गरेको छ। यो त्यहाँको कूल जनसंख्याको दुई तिहाई हो।

गत महिनादेखि संक्रमण दर बढेपछि १० वर्षमाथिका मानिसको परीक्षण गएिको हो। परीक्षणमा १ प्रतिशत अर्थात् ३८ हजार ३ सय ५९ जनाको नतिजा पोजेटिभ आएको छ।

व्यापक संख्यामा परीक्षणका लागि गत २३ अक्टोबरमा ओर्भा र बार्डेजोभ गरी २ क्षेत्रमा नमुना परीक्षण गरिएको थियो। जसमा १ लाख ४१ हजार जनाको परीक्षण भएको थियो। त्यसपछि बाँकी स्थानमा शनिबार र आइतबार परीक्षण अभियान चलाइएको थियो। यसमा लामो समय घरमै बसेका वृद्धवृद्धा, अपांग, क्यान्सररोगी तथा अन्य खतरा अवस्थामा रहेका समूह भने सहभागी भएनन्।