एजेन्सी–कोरोना संक्रमणको दोस्रो लहर रोक्न स्पेनमा देशव्यापी रात्रिकालीन कर्फ्यु लागू गरिएको छ। स्पेनका प्रधानमन्त्री पेड्रो स्यान्जेले कर्फ्यु राति ११ बजेदेखि विहान ६ बजेसम्म लागू हुने बताए।
यस कर्फ्यु नियमअनुसार स्थानीय निकायहरुले एउटा क्षेत्रबाट अर्को क्षेत्रमा हुने आवतजावत वा यात्रालाई रोक्न सक्ने विविसीले जनाएको छ ।
प्रधानमन्त्री स्यान्जेले सुरुवाती अवस्थामा १५ दिनका लागि लगाइएको यस नियम लम्ब्याउनेबारे संसदमा छलफल गरि निर्णय लिइने बताए ।
यस वर्षको सुरुमा स्पेनमा आएको कोरोनाको पहिलो तरंगबाट यस देश नराम्रोसँग प्रभावित भएको थियो । त्यतिबेला नियन्त्रणका लागि लकडाउनदेखि अन्य विभिन्न प्रकारका उपायहरु अवलम्बन गरिएका थिए।
अहिले धेरै युरोपेली देशहरु कोरोनाको दोस्रो लहरसँग जुधिरहेका छन् । इटलीमा पनि आइतबारबाट केही नियन्त्रणहरु लागू गरिएको विविसीले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
