विश्वभर कोरोना संक्रमितको संख्या ४ करोड नाघ्यो

कोरोना अपडेट

नेपाल लाइभ मंगलबार, कात्तिक ४, २०७७ ०६:४६

एजेन्सी–विश्वभर कोरोना संक्रमितको संख्या ४ करोड नाघेको छ।

जोन्स हप्किन्स विश्वविद्यालयको पछिल्लो तथ्यांकअनुसार संक्रमितको संख्या ४ करोड २ लाख ९४ हजार ४६ पुगेको हो। हालसम्म कोरोना संक्रमणबाट ११ लाख १७ हजार २ सय ५२ जनाको मृत्यु भइसकेको छ भने २ करोड ७६ लाख १३ हजार ८ सय ७७ जना निको भइसकेका छन्।

सबैभन्दा बढी प्रभावित अमेरिकामा संक्रमितको संख्या ८२ लाख ८ हजार ८ सय ३१ पुगेको छ भने २ लाख २० हजार ८८ जनाको मृत्यु भएको छ। यस्तै, भारतमा ७५ लाख ५० हजार २ सय ७३ संक्रमित र १ लाख १४ हजार ६ सय १० जनाको मृत्यु, ब्राजिलमा ५२ लाख ५० हजार ७ सय २७ संक्रमित र १ लाख ५४ हजार १ सय ७६ जनाको मृत्यु तथा रुसमा १४ लाख ६ हजार ६ सय ६७ संक्रमित र २४ हजार २ सय ५ जनाको मृत्यु भएको छ।