कोरोनाबाट विश्वमा मृत्यु हुनेको संख्या ११ लाख नाघ्यो

कोरोना अपडेट

नेपाल लाइभ आइतबार, कात्तिक २, २०७७ ०६:३६

एजेन्सी–विश्वमा कोरोना संक्रमणबाट मृत्यु हुनेहरुको संख्या ११ लाख नाघेको छ। जोन्स हप्किन्स विश्वविद्यालयको पछिल्लो तथ्यांकअनुसार संक्रमितको संख्या ११ लाख ८ हजार २ सय १३ पुगेको हो। हालसम्म विश्वमा संक्रमितको संख्या ३ करोड ९५ लाख ८१ हजार ८ सय ७१ पुगेको छ भने २ करोड ७२ लाख ३ हजार ९ सय ९५ जना निको भइसकेका छन्।

मृत्यु हुनेमा सबैभन्दा अमेरिकामा २ लाख १९ हजार १ सय ५६ जना छन्। यस्तै, ब्राजिलमा १ लाख ५३ हजार ६ सय ७५, भारतमा १ लाख १२ हजार ९ सय ९८, मेक्सिकोमा ८५ हजार ७ सय ४, बेलायतमा ४३ हजार ६ सय ६९, इटालीमा ३६ हजार ४ सय ७४ र स्पेनमा ३३ हजार ७ सय ७५ जनाको मृत्यु भएको छ।