काठमाडौं- नेपाल राष्ट्र बैंकले बैंक तथा वित्तीय संस्थामा तरलता थुप्रिँदै गएपछि ३० अर्ब रुपैयाँ तान्ने भएको छ। राष्ट्र बैंकले ३० अर्ब रुपैयाँको निक्षेप उपकरणको रुपमा बैंकहरुलाई बोलकबोल आह्वान गरेको छ। बैंकहरुले तरलता बढि भएपछि निक्षेपकर्ताको ब्याजदर घटाउन थालेका छन्। नयाँ लगानीको क्षेत्र नहुँदा बैंकहरुमा पैसा थुप्रिएको हो। थुप्रिएको पैसा तान्ने उपकरणको रुपमा राष्ट्र बैंकले बैंकहरुको निक्षेप नै तान्न लागेको हो।
निक्षेप संकलनको बोलकबोल ब्याजदरमा गर्नुपर्ने राष्ट्र बैंकले जनाएको छ। बोलकवोल बहुब्याजदरमा पनि गर्न सकिनेछ। यो निक्षेप संकलन उपकरणको बोलकबोलमा वाणिज्य बैंक विकास बैंक र फाइनान्स सहभागी हुन पाउनेछन्।
निक्षेप संकलनको बोलकबोलमा निक्षेप बापत जम्मा गर्न चाहेको रकम र व्याजदर दशमलब पछिको हकमा चार अंकसम्म उल्लेख गर्नुपर्नेछ। निक्षेप संकलनको लागि आव्हान गरिएको रकम बाँडफाँट गर्दा बोल बमोजिम सबैभन्दा कम ब्याजदरलाई पहिलो प्राथमिकता क्रममा राखी आह्वान गरेको रकमसम्म क्रमशः बाँडफाँट गरिने राष्ट्र बैंकले जनाएको छ।
समान ब्याजदर उल्लेख भएका बोल रकम समावेश गर्दा कुल निष्काशित रकमभन्दा बढी भएमा प्रो रेट वेसिसमा बाँडफाँट गरिनेछ। खुला बजार कारोबार संचालन समितिले कट अफ रेट निर्धारण गर्न सक्नेछ। आह्वान गरिएको रकममध्ये सम्पूर्ण वा आंशिक रकमको बोल स्वीकार वा अस्वीकार गर्ने अधिकार खुला बजार कारोबार सञ्चालन समितिमा रहनेछ।
सफल बोलबालाहरुको स्वीकृत रकम निष्काशन मितिका दिन यस बैंकमा रहेको खाता खर्च गरी निक्षेप संकलनको लागि खोलिएको अलग्गै खातामा जम्मा गरिनेछ। तसर्थ, बोलबाला बैंक तथा वित्तीय संस्थाले आफ्नो खातामा पर्याप्त मौज्यात कायम गर्नु पर्ने राष्ट्र बैंकले उल्लेख गरेको छ।
बोल स्वीकृत भएका बोलवालाको खातामा सो उपकरण निष्काशन गरिने दिनमा मौज्दात रकम पर्याप्त नभएमा त्यस्ता बोलवालाको अर्नेस्ट मनि बापतको रकम जफत गरी निजलाई कालोसूचीमा राखी पछिल्ला बोलकबोलमा सहभागी हुन बन्देज लगाइने राष्ट्र बैंकले जनाएको छ।
निक्षेप संकलन उपकरणको भुक्तानी मितिका दिन निर्धारित ब्याजसहित संकलित निक्षेप रकम सम्बन्धित बैंकको यस बैंकस्थित खातामा जम्मा गर्नेछ। निक्षेप संकलन गरिएको रकम सम्बन्धित बोलवालाको लगानी पोर्टफेलियो हुने भएकोले सो रकमलाई अनिवार्य नगद मौज्दात सिआरआरमा गणना गर्न पाइनेछैन। तर, यस बैंकको निर्देशन बमोजिम कायम राख्नुपर्ने एसएलआर तथा तरलता अनुपातमा गणना गर्न पाइनेछ।
संकलित निक्षेप रकम भुक्तानी मिति अगावै सम्बन्धित बोलवालालाई फिर्ता भुक्तानी वा प्रि म्याचुअर भुक्तानी हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
