मुम्बइ – 'कंगनाले बलिउडको बेइज्जत गरिरहेको' बताउने जया बच्चनलाई कंगना रनावतले जफाव दिएकी छिन्। उल्टै बलिउडको ‘इज्जत’ माथि उनले सवाल गरेकी छिन्। उनले अन्डरवल्र्डसँगको लिंकदेखि महिला कलाकारमाथिका शोषणसम्मका विषय उठाएकी छिन्।
एक अन्तवार्तामा बोल्दै उनले भनेकी छिन्, ‘बलिउडको बेइज्जत मैले गरेकी होइन। यसका कर्तुत दुनियाँका अगाडि छ। अन्डरवल्र्डको चंगुलबाट सुषमा स्वराजले यसलाई बाहिर निकालेको कति समय भयो र?’
आफूलाई अपमान गर्नेहरुका लागि उनले पहिले अनुहार ऐनामा हेर्न भनेकी छिन्। आफ्नै फिल्म पुनः एकपल्ट हेर्दा आफ्नो औकाता देखिने बताएकी छिन्। उनले थपिन्, ‘हामी भन्दा अघिल्लो पुस्ताका हिरो अनिल कपुर, सञ्जय दत्त, गोविन्दाजी दाउदको पार्टीमा नाँच्थे।’
फिल्मकी हिरोइनलाई आइटम नम्बर मात्रै बनाउने गरेको उनको आरोप छ। फिल्म सेटमा नोकरको व्यवहार हुने खुलाएकी छिन्। उनले भनेकी छिन्, ‘महान हिरोजीको पर्खाइमा बस्नुपर्छ। राति तातो दूध लिएर उनीहरुको कोठामा जानुपर्छ।’
हिरोइन बन्न ‘हिरो वा निर्देशकको बेडमा जानैपर्छ?’ भन्ने प्रतिप्रश्नमा कंगनाको जवाफ छ– सफल बन्नुछ भने हिरो वा निर्देशकलाई खुशी त बनाउनैपर्छ। १० जना केटीमा तपाईंको नाम लिने कोही त हुनुपर्यो नि।’
आफूले भेटेकाहरुले हिरोइनलाई श्रीमतीको जस्तो व्यवहार गरेको उनको भनाइ छ। अमिताभ बच्चनको संरक्षणमा रहेकाले जया बच्चनलाई भाग्यमानी अभिनेत्री भनेकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_aDpltwY0rK-1782355389.webp)
-1764146706.png)
