एजेन्सी–संयुक्त अरब इमिरेट्स (युएई) र बहराइनसँग सम्बन्ध सामान्य गर्नका लागि इजरायलले ऐतिहासिक सम्झौतामा हस्ताक्षर गरेको छ।
दुवै खाडी मुलुक र इजरायलबीचको सम्झौतापछि अमेरिकी राष्ट्रपति डोनाल्ड ट्रम्पले ‘नयाँ मध्यपूर्वको सुरुवात’ भन्दै प्रशंसा गरेका छन्। ह्वाइटहाउसमा आयोजित कार्यक्रममा तीनै मुलुकबीच हस्ताक्षर भएको हो।
ट्रम्पले सम्झौतामा हस्ताक्षरको भिडियो शेयर गर्दै लेखेका छन्, ‘दशकौंदेखिको विभाजन र संघर्षपछि आज हामीले एक नयाँ मध्यपूर्वको सुरुवात गरेका छौं, इजरायल, युएई र बहराइनका जनतालाई बधाइ, भगवानले तपाईंहरु सबैको रक्षा गरुन्।’
उनले तीनै मुलुकले एक अर्का मुलुकमा दूतावास खोल्ने र सहयोगी देशका रुपमा काम गर्ने पनि बताएका छन्।
इजरायल र प्यालेस्टाइनबीच जारी तनाव अन्त्य गर्ने उद्देश्यले गत जनवरीमा प्रस्तुत गरेको मध्यपूर्व शान्ति योजनालाई मूर्त रुप दिन ट्रम्पले यो सम्झौता गराउन भूमिका निर्वाह गरेको बताइएको छ। सन् १९४८ मा इजरायल स्थापनापछि उक्त मुलुकलाई मान्यता दिने मुलुकमा युएई र बहराइन तेस्रो र चौथो बनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
