सुशान्तसँग सारा अलि खान र रकुलप्रित सिंह पनि ड्रग्स लिने रियाको दाबी

समाचार

नेपाल लाइभ मंगलबार, भदौ ३०, २०७७ १२:३६

मुम्बइ– बलिउड र ड्रग्स यी दिनहरुमा पर्यायवाची शब्द लाग्न थालेका छन्। किनकि हाल बलिउडका फिल्म स्टार एकपछि अर्को ड्रग्समा मुछिन थालेका छन्।

सुशान्त सिंह राजपुतको मृत्युमा ड्रग एंगल सार्वजनिक भएको थियो। भारतीय नार्कोटिक्स कन्ट्रोल ब्युरोले यसकी मुख्य आरोपी रिया चक्रवतिलाई पक्रेको छ।

उनलाई पक्रेसँगै फिल्म क्षेत्रका चर्चित अनुहारको यथार्थ बाहिर आउन थालेको छ। रियालाई सोधपुछ गर्ने क्रममा अहिलेकी चर्चित अभिनेत्री सारा अलि खान, रकुलप्रीत सिंह, फेसन डिजाइनर सिमोन खम्बाटा र सुशान्तकी साथी रोहिणी अय्यर र बलिउडका सवैभन्दा ठूला कास्टिङ डाइरेक्टर र सुशान्‍तको अन्तिम फिल्म 'दिल बेचारा'का निर्देशक मुकेश छावडा समेत ड्रग्स सेवनकर्ता रहेको खुलेको छ।

सारा अलि खान, रकुल प्रित सिंह र मुकेश छाबडाको नाम सार्वजनिक भएपछि बलिउडमा हलचल मच्चिएको छ।

नार्कोटिक्स नियन्त्रण ब्युरोले रियासँग सोधपुछ गरेर बलिउडका २५ कलाकारको नामसूची तयार पारेको छ। उनीहरुमाथि पनि अनुसन्धान हुने बताइएको छ।

सुशान्‍तको फार्म हाउसमा र पवना ड्याममा बनेको 'आपती गवंडे'मा भएको पार्टीमा ब्युरोको नजर छ। सुशान्त साथीहरुका साथ यहि समय बिताउने र पार्टी गर्ने गर्थे।

ब्युरोका अनुसार उक्त पार्टीमा सुशान्तसँग सारा अलि खान चारपाँच पल्ट आएकी थिइन्। सुशान्तसँग श्रद्धा कपुर पनि आइसकेकी छिन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पूर्वप्रधानमन्त्री शेख हसिनाको अवामी पार्टीलाई प्रतिबन्ध

सङ्घीय लोकतान्त्रिक गणतन्त्रलाई संस्थागत गर्नुपर्छ : उपेन्द्र यादव

बिहेमा खाजा खाँदा जन्तीसहित एक सय बढी बिरामी