मुम्बइ– कंगना रनावत एकपछि अर्को तनावमा फस्न थालेकी छिन्। मुम्बइ प्रहरीमाथि उनले गरेको आलोचनासँगै जोडिएको शिवसेनासँगको सवाल जवाफ कायम छ। उनलाई असुरक्षा महशुस भएपछि सुरक्षा बढाइएको छ।
यहीबेला मुम्बइस्थित उनको अफिसको निर्माण अवैध रहेको भन्दै त्यसलाई हटाउने सूचना उनले पाएकी छिन्। बीएमसीको एक समूहद्ये उनको घरमा छापा मारेर अफिस अवैध तरिकाले बनाइएको भन्दै सूचना टाँसिदिएको छ। बिएमसीको भनाइ कंगनाले नियम विपरित फरक तरिकाले पार्टिसन गरेकी छिन्। बालकोनी एरयालाई पनि कोठा जस्तै गरी प्रयोग गरेकी छिन्। अफिस निर्माणको नियम उलंघन भएको बिएमसीको दाबी छ।
मुम्बइ मुनिस्पल कर्पोरेशन एक्टका अनुसार कंगना उक्त ठाउँबाट अफिसको कुनै काम गर्न पाउने छैनन्। अगामी २४ घन्टाभित्र निर्माण र पुननिर्माणका सवै कागजात पेश गर्नुपर्नेछ।
भूइँतल्लाको ट्वाइलेटमा उनले अवैध रुपमा अफिस क्याबिन बनाएको र किचनलाई स्टोर बनाएको जस्ता कुरा उक्त सूचनामा उल्लेख छन्।
पहिलो तलमा कोठाहरुलाई अवैध तरिकाले विभाजन गरेको र पहिलो तल्लाको पूजा ३रमा पनि पार्टिसन गरेको आरोप छ। पहिलो तल्लामा बनाइएको ट्वाइलेट पनि अवैध र चौथो र पाँचौं नम्बरको घरको ढोका हटाएर जोडिएको बताइएको छ।
कंगनाले उक्त अफिस बनाउन ४८ करोड खर्च गरेको बताएकी छिन्। यो शिवसेनासँग चलिरहेको वादविवादको परिणाम रहेको संकेत ट्विट मार्फत् गरेकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
