यी हुन् कोरोना संक्रमणबाट सबैभन्दा धेरै मृत्यु हुने विश्वका १० मुलुक

कोरोना अपडेट

नेपाल लाइभ शुक्रबार, साउन ३०, २०७७ ०६:२४

एजेन्सी–कोरोना संक्रमणका कारण विश्वमा सबैभन्दा धेरै प्रभावित मुलुक अमेरिकामा मृतकको संख्या १ लाख ६७ हजार नाघेको छ। जोन्स हप्किन्स विश्वविद्यालयको तथ्यांकअनुसार त्यहाँ १ लाख ६७ हजार २९ जनाको मृत्यु भएको हो।

यस्तै, ब्राजिलमा १ लाख ४ हजार २ सय १, मेक्सिकोमा ५४ हजार ६ सय ६६, भारतमा ४७ हजार ३३, बेलायतमा ४६ हजार ७ सय ९१ र इटालीमा ३५ हजार २ सय ३१ र फ्रान्समा ३० हजार ३ सय ७६ र स्पेनमा २८ हजार ६ सय ५ जनाको मृत्यु भएको छ। पेरुमा २१ हजार ७ सय १३ र इरानमा १९ हजार १ सय ६२ जनाको मृत्यु भएको छ।

कोरोनाका कारण कारण विश्वभर मृत्यु हुनेहरुको संख्या ७ लाख ५२ हजार ५१ पुगेको छ।

संक्रमणबाट अमेरिकामा ५२ लाख ४४ हजार २ सय ३३ जना संक्रमित भएका छन् भने ब्राजिलमा संक्रमितको संख्या ३१ लाख ६४ हजार ७ सय ८५ पुगेको छ। यस्तै, भारतमा २३ लाख ९६ हजार ६ सय ३७ जना र रुसमा ९ लाख ५ हजार ७ सय ६२ जना संक्रमित भएका छन्।