काठमाडौं– केही दिनदेखि सामाजिक सञ्जालमा नेपाली कामदारलाई कुटपिट गरिएको एउटा भिडियो भाइरल भइरहेको छ। भिडियोमा सेक्युरिटी गार्डका रुपमा कार्यरत नेपालीलाई अर्का व्यक्तिले निर्घात कुटपिट गरेको देख्न सकिन्छ।
मलाया भाषामा गाली गर्दै कुटपिट गरिरहेका व्यक्ति को हुन् त? ती व्यक्तिले त्यसरी कार्यस्थलमै किन निर्घात कुटपिट गरे भन्ने विषयमा चौतर्फी चासो बढेपछि यस सम्बन्धमा दूतावासले सोधखोज गर्दा पीडक पनि नेपाली नै भएको खुलेको छ।
भिडियोमा कुटिने व्यक्ति नवलपरासीका ईस्लाम हुसेन भएको दूतावासले जनाएको छ। भिडियोमा कुटिरहेका व्यक्ति कपिलवस्तुका राम गोपाल मुराउ भएको दूतावासले पुष्टि गरेको छ। मलेसियाको अध्यागमन कानुनअनुसार पीडक र पीडित दुवै जना मलेसियामा अवैध रुपमा रहँदै आएको पाइएको छ।
भिडियोमा देखिएको घटना ७ जुलाई २०२० को बिहान करिब १० बजेको रहेको दूतावासले जनाएको छ। घटना क्वालालम्पुरस्थित रहेको एमथ्री महलमा भएको पाइएको छ। उनीहरुमध्ये पीडित सेक्युरिटी गार्ड र पीडक सुपरभाइजरका रुपमा कार्यरत थिए।
कुटपिट गर्ने रामगोपाल त्यहाँको स्थानीय प्रहरीसमक्ष उपस्थित भएको र यस सम्बन्धमा थप अनुसन्धान भइरहेको दूतावासले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764947412.jpg)
-1764146706.png)
