नयाँ दिल्ली- बलिउड अभिनेता सुशान्त सिंह राजपुतका पिताले भारतीय सर्वोच्च अदालतमा निवेदन दर्ता गराएका छन्। अभिनेत्री रिया चक्रवर्तीले ट्रान्सफर याचिका दायर गरेपछि सोभन्दा अघि नै आफ्नो पक्षलाई सुन्न आग्रह गर्दै निवेदन दिएका हुन्।
वरिष्ठ वकिल विकास सिंहको रोहवरमा कानुन व्यवसायी नितिन सलूजाले बिहीबार सुशान्तका पिताका तर्फबाट यो निवेदन दर्ता गराएका हुन्। विकास सिंहका अनुसार सलुजाले सुशान्तका पिताका तर्फबाट घटनाको जाँच पटना उच्च अदालतको निगरानीमा हुनुपर्ने माग गरेका छन्।
बुधबार बलिउड अभिनेत्री रिया चक्रवर्तीले सुशान्त सिंह राजपुतका पिताले उनीमाथि लगाएको आरोपविरुद्ध जाहेरी दर्ता गराएकी थिइन्। चक्रवर्तीलाई सुशान्तका पिताले आफ्नो छोरोलाई आत्महत्या गर्न उक्साएको आरोप लगाएका थिए।
सुशान्त गत १४ जुनका दिन मुम्बईको बान्द्रास्थित आफ्नै घरमा झुण्डिएको अवस्थामा मृत भेटिएका थिए। प्रहरीले यसलाई आत्महत्या भनेको छ। तर उनका फ्यानहरुले यसलाई हत्या भन्दै सिबीआईको संलग्नतामा छानबिन गरिनुपर्ने माग गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
