काठमाडौं-अमेरिकामा जारी कोरोना भाइरसविरुद्धको खोप अनुसन्धानमा एक महत्वपूर्ण सफलता हासिल गरेको दाबी अनुसन्धानकर्ताले गरेका छन्।
अनुसन्धानकर्ताहरुले ४५ जनामा गरिएको परीक्षणको नतिजा मंगलबार सार्वजनिक गरेका छन्। जसअनु्सार खोपले मानिसको शरीरमा न्युट्रलाइजिङ एन्टीबडी विकसित गरेको पाइएको छ। यो एन्टीबडी संक्रमण रोक्न महत्वपूर्ण मानिन्छ।
अनुसन्धान टोलीले न्यू इंग्ल्याण्ड जर्नल अफ मेडिसिनमा लेखेका छन्,‘खोप प्राप्त गर्ने मानिसको रगतमा कोभिड-१९ बाट निको भएका बिरामीमा जत्तिकै एन्टीबडी प्राप्त भएकोे छ।’
अब २७ जुलाईदेखि यो खोपको अनुसन्धानको महत्वपूर्ण चरण सुरु हुनेछ। अब यसलाई ३० हजार स्वयंसेवकका परीक्षण गरिनेछ। यद्यपि खोपको अन्तिम परिणाम प्राप्त हुन कति समय लाग्छ भन्ने यकिन छैन।
अमेरिकाको नेसनल इन्सिच्युट्स अफ हेल्थले मोडेरना इन्कसँग मिलेर यो खोप बनाएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
