कोरोना महामारी : विश्वभर १ करोड २२ लाख संक्रमित, मृत्यु हुनेको संख्या साढे ५ लाख

कोरोना अपडेट

नेपाल लाइभ शुक्रबार, असार २६, २०७७ ०६:११

एजेन्सी-विश्वभर कोरोना भाइरस संक्रमितको संख्या १ करोड २२ लाख नाघेको छ। जोन्स हप्किन्स विश्वविद्यालयको पछिल्लो तथ्यांकअनुसार संक्रमितको संख्या १ करोड २२ लाख २० हजार १ सय ६६ पुगेको हो। त्यस्तै, ५ लाख ५३ हजार ४ सय ३८ पुगेको छ। हालसम्म ६६ लाख ९६ हजार ६ सय ३२ जना संक्रमणमुक्त भइसकेका छन्।

कोरोना महामारीबाट सबैभन्दा बढी प्रभावित अमेरिकामा संक्रमित ३१ लाख ११ हजार ९ सय २ पुगेका छन् भने १ लाख ३३ हजार १ सय ९५ जनाको मृत्यु भइसकेको छ। ब्राजिलमा १७ लाख ५५ हजार ७ सय ७९ संक्रमित र ६९ हजार १ सय ८४ मृत्यु, भारतमा ७ लाख ६७ हजार २ सय ९६ संक्रमित र २१ हजार १ सय २९ को मृत्यु तथा रुसमा ७ लाख ६ हजार २ सय ४० संक्रमित र १० हजार ८ सय २६ को मृत्यु भएके छ।