भारतको उडिसामा सुरक्षा कारबाहीमा चार माओवादी लडाकू मारिए

विश्व

नेपाल लाइभ सोमबार, असार २२, २०७७ १२:३४

प्रतीकात्मक तस्बिर

उडिसा- भारतको उडिसाको कान्धामल जिल्लामा भारतमा सशस्त्र विद्रोह गरिरहेका चारजना माओवादी लडाकूको सरक्षा कारबाहीमा ज्यान गएको बताइएको छ। भारतीय सुरक्षा बलका सदस्यहरुसँग भएको दोहोरो भिडन्तमा परी ती माओवादी लडाकू मारिएको उडिसा राज्यका प्रमुख सचिव अजित त्रिपाठीले जानकरी दिए।

मुख्य सचिव त्रिपाठीले सोमबार बिहान ट्वीट गरेर सो क्षेत्रमा सुरक्षा गस्तीमा रहेका भारतीय सुरक्षा बलका सदस्यहरुसँगको भिडन्तमा परी चारजना माओवादी विद्रोहीको ज्यान गएको बताए। उनले त्यस क्रममा सफल रुपमा माओवादी विरुद्धमा कारबाही गर्न सकेको र सुरक्षाकर्मीतर्फ कुनै क्षति नभएको भन्दै सुरक्षा अधिकारी तथा सुरक्षा गस्तीमा रहेका सुरक्षाकर्मीहरुलाई बधाई पनि दिएका छन्।