काठमाडौं– नेपाल कम्युनिष्ट पार्टी (नेकपा)को आज तय गरिएको स्थायी कमिटीको बैठक स्थगित भएको छ। बैठक बिहान ११ बजे बाेलाइएकाे थियाे।
प्रधानमन्त्रीका प्रेस सल्लाहकार सूर्य थापाले ट्विट गर्दै आजका लागि तय भएकाे बैठक असार २४ गते ११ बजेसम्मका लागि स्थगित गरिएको जनाएका हुन्।
नेकपा स्थायी कमिटीकाे बैठक यसअघि पनि पटक पटक स्थगित भएकाे छ। शनिबारका लागि बोलाइएको बैठक साेमबार (आज) सम्मका लागि स्थगित भएकाे थियाे।
यसअघि पार्टीभित्र संकट गहिरिएसँगै शुक्रबार थप आन्तरिक छलफल गर्नेगरी बिहीबारकाे स्थायी कमिटी बैठक एक दिनका लागि स्थगित गरिएको थियो।
स्थायी कमिटी बैठकमा बाेल्ने अधिकांश सदस्यहरुले प्रधानमन्त्री एवं पार्टी अध्यक्ष केपी शर्मा ओलीले दुवै पदबाट राजीनामा दिनुपर्ने माग गरेपछि बैठक स्थगित हुँदै आएकाे छ।ओलीले पार्टीको निर्णय नमानी एकलौटी निर्णय गर्न थालेको भन्दै नेताहरूले असन्तुष्टि जनाउँदै आएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।