कोरोना अपडेट

कोरोना महामारी : विश्वभर १ करोड १३ लाख संक्रमित, ५ लाख ३३ हजारको मृत्यु

नेपाल लाइभ सोमबार, असार २२, २०७७ ०६:४३

एजेन्सी–विश्वभर कोरोना भाइरसबाट संक्रमित हुनेको संख्या १ करोड १३ लाख नाघेको छ। जोन्स हप्किन्स विश्वविद्यालयको पछिल्लो तथ्यांकअनुसार विश्वमा संक्रमितको संख्या १ करोड १३ लाख ९८ हजार ५ सय १ पुगेको हो। संक्रमणबाट मृत्यु हुनेको संख्या ५ लाख ३३ हजार ३ सय ४३ पुगेको छ।

सबैभन्दा बढी प्रभावित अमेरिकामा २८ लाख ७६ हजार १ सय ४३ संक्रमित पुगेका छन् भने १ लाख २९ हजार ८ सय ९१ जनाको मृत्यु भइसकेको छ। यस्तै, ब्राजिलमा १६ लाख ३ हजार ५५ संक्रमित र ६४ हजार ८ सय ६७ मृत्यु, रुसमा ६ लाख ८० हजार २ सय ८३ संक्रमित र १० हजार १ सय ४५ को मृत्यु तथा भारतमा ६ लाख ७३ हजार १ सय ६५ र १९ हजार २ सय ६८ जनाको मृत्यु भएको छ।