सिनेमा

कलाकार संघमा निवेदन दिँदै केसीले भने- साम्राज्ञीले मनगढन्ते कुरा गरेर मेरो चरित्रहत्या गरिन्

नेपाल लाइभ बिहीबार, असार १८, २०७७ १७:५१

कठमाडौं- अभिनेता भुवन केसीले नायिका साम्राज्ञी राज्य लक्ष्मी शाहले आफूमाथि नभएको आरोप लगाएर चरित्रहत्या गरेको भन्दै चलचित्र कलाकार संघमा निवेदन दिएका छन्। केही हप्तादेखि लगातार रूपमा नायिका शाहले युट्युब‚ इन्स्टाग्रामलगायतका सामाजिक सञ्जालमा मनगढन्ते कुरा गर्दै आफ्नो चरित्रहत्या गरेको भन्दै उनले निवेदन दिएका हुन्।

यो पनि पढ्नुहोस्

भुवन–साम्राज्ञी वाकयुद्ध‚ साम्राज्ञी भन्छिन्- प्रहरी केस हुनसक्ने तहको दुर्व्यवहार भएको थियोसोमबार, असार १५, २०७७

केसीले निवेदनमा साम्राज्ञीले आफूविरूद्ध विभिन्न आक्षेप/आरोपहरू लगाई मनगढन्ते र निराधार चरित्र हत्या हुने कुरा गरेकाले त्यस विषयमा आवश्यक छानविन गर्न संघमा निवेदन दिएको उल्लेख गरेका छन्। केसीको चलचित्र ड्रिम्समा उनलाई अभिनय गराउँदा कुनैपनि किसिमको दुर्व्यवहार नगरेको भन्दै आवश्यक छानविन गर्न आग्रह गरेका छन्।

निवेदनमा उनले भनेका छन्‚ ‘भए नभएका कुरालाई सामाजिक सञ्जालमा राखी युट्युबलगायत विभिन्न सञ्चार माध्यममा मेरो चरित्र हत्या गर्ने दुस्साहसमात्र होइन सम्पूर्ण चलचित्र क्षेत्रकै बदनाम भएको अनुभव गरी त्यस सम्बनधमा छानबिन गरी आम दर्शक र चलचित्र क्षेत्रलाई जानकारी गराइदिन निवेदन गर्दछु।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित